Owens (將軍澳中心)

營業中

休息中

將軍澳中心《Owens 》新張，我馬上約好友食靚牛扒和精美甜品，餐廳環境優雅亮麗，座位比太子店寬敞坐位舒適。我們點左二個晚市套餐餐湯升級：法式蟹肉龍蝦湯：頗多蟹肉，湯底鮮甜，好美味。美國安格斯肉眼牛扒（五成熟）：牛扒厚身，煎得外皮焦香，牛味濃郁又嫩滑色澤嫩紅，配菜豐富，有BB薯仔、西蘭花、車厘茄，配燒汁、芥末醬，好好美味👍西班牙黑毛豬鞍架：頗厚身大塊，豬肉腍滑有鮮味，配料多，吃完飽左一半。蒜蓉、芝士焗生蠔（各2隻）：蒜蓉焗生蠔頗大隻又肥美厚肉，蒜蓉味清香帶出生蠔的鮮甜味💕芝士焗生蠔：厚厚芝士很香又滑，真美味又好食😋意式白酒煮蜆：大大隻蜆無沙，肥嘟嘟蜆肉很鮮甜，少少酒香味。甜品：開心果麻糬提拉米蘇：開心果粒很香，中層忌廉夾自家製麻薯軟又煙韌，超正👍值得推介👍紫薯芋泥麻糬蛋卷：紫薯和芋泥味清香甜度適中，中間夾有麻薯煙韌好食😋飲品：香蕉朱古力奶昔，真材實料，香蕉味濃郁很香滑。蘋果汁：正常發揮。總結：食物美味，服務周到，一定再食。