Passion (已搬遷) 新店位置

天氣開始愈來愈熱…胃口難免會無咁好…於是乎就黎個大突破…將甜品當做午餐…希望七彩繽紛既cake可以填滿呢個食肉獸朋友既肚啦…>，<…黎到灣仔呢間舖頭…其實唔只得cake...仲有麵包，沙律等…到黃昏1830後…仲有其他熱食添…呢度既形式好似Starbucks咁…完全係外國人食法…好自助式…wowowo...眼見咁多款式…萬紫千紅…非常吸引…真係芳心大亂…就連食肉獸朋友都變得意亂情迷呢…樣樣都想試下…正所謂少食多滋味…結果還是要狠下心腸…只order左4樣野食…（一)面層係糖霜做成既雕花“P"字…size大概2吋x4吋左右…咖啡味適中…個心唔係手指餅黎…係鬆軟旦糕…我覺得至好味係佢…（二）什果好新鮮…酥餅底唔會好油膩…（三）成個腦袋咁款既係士多啤梨…再配雲呢拿占占…底層亦係鬆軟既旦糕黎…呢款比較偏甜…味道唔夠分明…（四）外表係甜甜既焦糖…內心卻係濃濃既咖啡餡…仲有幾個唔同既層次感添…朱古力粉味好濃…唔覺有奶味…唔夠香滑…Mocha雖無拉花…但有餅乾配襯…朋友亦大讚好味…係呢度食野…質素唔差…可惜座位唔多…但人流很多…想坐耐d都唔得…