影片
更多
2022-07-02
100 瀏覽
最近哩間曲奇店嘅介紹文不停彈出嚟🤣琴日去開大坑食晚飯，即刻記起佢!!!朋友到步後，我就即刻同佢講：「食完飯，我想去買一個好肥嘅曲奇🍪🤣」朋友即時同我一樣心心眼😍。食完晚餐，我哋就出發😆店舖唔難揾。雖然夜晚嘅大坑較靜，不過鋪頭裝修好簡約好光，所以好快就會望到。我相信朝早時間，多啲人流會更加易揾。店鋪除咗曲奇，仲有 donut 🍩。我哋到達店鋪嘅時候，大約7:30，淨返嘅款式已經唔多。淨返3款曲奇、2款 大donut 同 mini donut。因為食飽飯嘅關係，今次只係揀咗曲奇。我哋怕會好甜，揀咗感覺最唔甜嘅Matcha Macadamia White Chocolate Chip Cookies ($50) 🍪。曲奇係厚身軟曲奇😍抹茶味好香好濃，曲奇中間仲有抹茶醬。無抹茶醬嘅部份，口感有少少脆，但唔會乾、唔會硬。曲奇咁厚身，成件都做到好鬆軟，但又唔會散開。用手分開，都唔會粉碎。夏威夷果仁同白朱古力粒都好足料😋唔會成塊得幾粒，真係啖啖都有餡❤️即使有白朱古力粒，但加埋抹茶嘅甘味，同好濃嘅茶味，食落唔會好甜，成件事好夾😍如果淨係睇價錢，以曲奇黎講，稍微有啲貴，但佢嘅份量好大，成個掌心咁大。我個
琴日去開大坑食晚飯，即刻記起佢!!!
朋友到步後，我就即刻同佢講：「食完飯，我想去買一個好肥嘅曲奇🍪🤣」
朋友即時同我一樣心心眼😍。食完晚餐，我哋就出發😆
店舖唔難揾。
雖然夜晚嘅大坑較靜，不過鋪頭裝修好簡約好光，所以好快就會望到。
我相信朝早時間，多啲人流會更加易揾。
店鋪除咗曲奇，仲有 donut 🍩。
我哋到達店鋪嘅時候，大約7:30，淨返嘅款式已經唔多。淨返3款曲奇、2款 大donut 同 mini donut。
因為食飽飯嘅關係，今次只係揀咗曲奇。
我哋怕會好甜，揀咗感覺最唔甜嘅Matcha Macadamia White Chocolate Chip Cookies ($50) 🍪。
曲奇係厚身軟曲奇😍
抹茶味好香好濃，曲奇中間仲有抹茶醬。無抹茶醬嘅部份，口感有少少脆，但唔會乾、唔會硬。
曲奇咁厚身，成件都做到好鬆軟，但又唔會散開。用手分開，都唔會粉碎。
夏威夷果仁同白朱古力粒都好足料😋唔會成塊得幾粒，真係啖啖都有餡❤️
即使有白朱古力粒，但加埋抹茶嘅甘味，同好濃嘅茶味，食落唔會好甜，成件事好夾😍
如果淨係睇價錢，以曲奇黎講，稍微有啲貴，但佢嘅份量好大，成個掌心咁大。
我個人認為最好揾人一齊share，一個人食一片，會好滯😅
而且多幾個人share，就可以試多幾樣嘢🙊
大家有機會，一定要嚟試下😋
張貼
