茶木‧台式休閒餐廳 (荃新天地)

營業中

休息中

今日加班做咗成日野，做到個腦實晒，好想食返啲甜嘢，所以決定和同事到荃灣荃新天地嘅「茶木」食返個豐富嘅甜品減吓壓。古早紅燒牛肉拌麵紅燒牛肉嘅肉質夠嫩和腍，份量也不少，而且拌麵嘅軟硬度適中，加埋麻辣味嘅醬汁，味道濃郁，絕對會令你食完一口又一口。烏賊汁奶油中卷手作麵原本朋友怕食到個嘴黑晒，但佢試咗一啖之後，就開始同我爭住食，佢話好欣賞個奶油味，能帶出烏賊嘅鮮味。脆脆黑糖瀑布珍珠奶茶面層有着厚厚嘅芝士奶蓋，底層嘅珍珠黑糖味濃郁，但不失奶茶嘅香味，依杯飲品味道極之豐富。青蘋果酪梨蜜糖磚塊最後重頭戲嘅甜品終於嚟啦，外層有著牛油果、士多啤梨、藍梅和香蕉，碟邊鋪滿焦糖炮谷，加上青色嘅蘋果雪糕，顏色鮮艷，十分吸睛。鬆脆嘅厚多士已經切好成一粒粒方塊，將一整粒放落口食，立即令我忘記晒工作上嘅煩惱，可以話係一個幫助減壓嘅甜品。