影片
更多
2022-05-23
203 瀏覽
平日下午大約4點到，唔使等位，但大福已經賣晒。我係為咗呢度嘅甜品而嚟，先講食物，再講環境同服務。喫茶店原味鬆餅味道：吃得到蛋香，牛油的微微鹹香跟蜜糖的清甜，簡單的絕配質感：似熱香餅嗎？少了那份柔韌的彈性，比較乾身和鬆散。似鑊仔煎蛋糕吧？沒有一般蛋糕的鬆軟，比較厚實和濕潤。因為件鬆餅又大又厚，所以外圍鬆軟d，愈近中心位就愈實同濕潤，比較糊口。份量：大過塊面，有成寸厚，幾飽肚，真係可以當飯食😅忌廉焦糖吉士布甸喜歡這店微甜的忌廉，單純嘅牛奶香，無添加古怪的香草味，質感輕軟順滑，唔會太heavy。布甸口感綿滑，有彈性，唔會好水好“削”一篤就散。焦糖比較水感，唔係濃稠糖醬質感，夠甜但唔算太甜，難得無過火無苦味😋。一片薄荷葉，點綴了賣相，清新的味道也平衡了甜膩感。海鹽焦糖鮮奶咖啡焦糖咖啡通常比較甜，所以落單時request 少甜，咁就啱啱好。海鹽的微鹹，同焦糖嘅香甜好夾。環境方面，咖啡店位處的商廈有點隱蔽。沿石板街（砵甸乍街）一路行上頂，未到荷李活道（差幾步先到），右邊見到露天餐廳酒吧，旁邊有條巷行入去。咖啡店响住條巷嘅入口無開，正門要經商廈門口入。雖然是來自京都，有幾十年歷史的昭和喫茶店，但不要
喫茶店原味鬆餅
味道：吃得到蛋香，牛油的微微鹹香跟蜜糖的清甜，簡單的絕配
質感：似熱香餅嗎？少了那份柔韌的彈性，比較乾身和鬆散。似鑊仔煎蛋糕吧？沒有一般蛋糕的鬆軟，比較厚實和濕潤。
因為件鬆餅又大又厚，所以外圍鬆軟d，愈近中心位就愈實同濕潤，比較糊口。
份量：大過塊面，有成寸厚，幾飽肚，真係可以當飯食😅
忌廉焦糖吉士布甸
喜歡這店微甜的忌廉，單純嘅牛奶香，無添加古怪的香草味，質感輕軟順滑，唔會太heavy。布甸口感綿滑，有彈性，唔會好水好“削”一篤就散。
焦糖比較水感，唔係濃稠糖醬質感，夠甜但唔算太甜，難得無過火無苦味😋。一片薄荷葉，點綴了賣相，清新的味道也平衡了甜膩感。
海鹽焦糖鮮奶咖啡
焦糖咖啡通常比較甜，所以落單時request 少甜，咁就啱啱好。海鹽的微鹹，同焦糖嘅香甜好夾。
環境方面，咖啡店位處的商廈有點隱蔽。沿石板街（砵甸乍街）一路行上頂，未到荷李活道（差幾步先到），右邊見到露天餐廳酒吧，旁邊有條巷行入去。咖啡店响住條巷嘅入口無開，正門要經商廈門口入。
雖然是來自京都，有幾十年歷史的昭和喫茶店，但不要誤會是京都傳統茶室feel，只不過是普通日式咖啡店格局。
店面不大，只有大約十零張枱，而且係半開放式。落地玻璃面向小巷，加上附近有工程，無景可言。另一邊係等位，下午茶時間人流少問題不大，遇著返工放工食飯等繁忙時間應該都幾嘈。今日人少少，店入播著輕快的日本歌曲，但又會聽到商廈另一邊傳來的強勁音樂。
仲有個小小嘅扣分位，就係枱腳不平（枱腳設計見下圖），稍為郁動張枱就搖。
服務方面……點講好呢？我諗可以做得更好。
我入座後睇完一輪menu 都無人行埋嚟，於是自己主動行去櫃檯落單。唔知呢度係咪自助形式，但入座時店員可以溫馨提示下。
其實店員都算有禮貌。埋單時我問d大福係咪通常好早賣晒，佢話每日情況唔同，仲耐心講解如買得多嘅話最好預訂，又主動遞上大福嘅單張俾我。
埋單俾錢時我無細心睇張單，後來先發覺有問題。係我唔好，落單時無好清晰咁話要甜品套餐（套餐係包一杯$44或以下嘅飲品），但我當時係拎住個餐牌，向店員指住甜品套餐嗰版嘅喫茶店原味鬆餅（係套餐價，唔係單價），同佢講要原味鬆餅，飲海鹽焦糖咖啡（熱嘅），另外加個焦糖吉士布甸。但結果張單唔係甜品套餐價，係計咗三樣嘢嘅單價。所以提提大家留意下。
首先，個電腦system 唔識自動計甜品套餐。再者，店員落單時無留意我指住嘅係甜品套餐嗰版嘅鬆餅（單點鬆餅嗰版有好大幅鬆餅圖）。當然，如果我清楚講明要甜品套餐咁就更好。但就算個客係散叫甜品加飲品，醒目嘅店員都應該會提個客有甜品套餐啦。雖然總數只不過係差幾蚊，但俾個客嘅感覺唔良好吖嘛……
張貼
