影片
更多
2011-01-20
10 瀏覽
11月5日, 110週月快樂!因為前幾日都食得太多太豐富, 今晚我地嘅慶祝以美味平食為主, 銅鑼灣茶餐廳出名嘅又未食過嘅, 近期就應該非喜喜莫屬~ 經過幾次都好多人, 見到佢嘅特色裝修又好認真咁, 加埋個非比尋常嘅特餐, 點都要試一下~::: 特餐 雞批浮台 + 香蕉班戟 + 凍朱古力 ::: $42 + $2齋聽雞批浮台個名, 真係有d不倫不類, 原來個雞批好似浮台咁放喺d青豆茸湯中間, 有形有色, 賣相都叫唔錯啦~ 可惜gimmick元素多, 實質味道又麻麻... 青豆茸湯有d青豆粒喺裏面, 豆茸都幾濃, 但味道偏鹹, 最衰係凍嘅… 雞批個皮面偏甜, 但係冇即焗出嚟嗰隻麵包香, 一咬落去雞肉蘑菇料都幾少wor, 感覺仲爭d雜豆添… 基本裏面大多數都係白汁, 這雞批可謂有外表而冇內涵…香蕉班戟應該算係甜品卦, 不過好似鹹野都未食得滿足就食甜品… 賣相亦係有gimmick嘅, 2塊厚厚嘅班戟上面有合桃粒, 再加幾片香蕉~ 要一提係佢d奶茶色嘅糖漿, 實在係太甜, 雖然甜甜嘅糖漿可以滲入班戟令味道更好, 但係此味道蓋過晒合桃香蕉, 整碟得番一個甜字… 班戟太厚, 入面d粉又熟唔晒咁, 好
因為前幾日都食得太多太豐富, 今晚我地嘅慶祝以美味平食為主, 銅鑼灣茶餐廳出名嘅又未食過嘅, 近期就應該非喜喜莫屬~ 經過幾次都好多人, 見到佢嘅特色裝修又好認真咁, 加埋個非比尋常嘅特餐, 點都要試一下~
::: 特餐 雞批浮台 + 香蕉班戟 + 凍朱古力 ::: $42 + $2
齋聽雞批浮台個名, 真係有d不倫不類, 原來個雞批好似浮台咁放喺d青豆茸湯中間, 有形有色, 賣相都叫唔錯啦~ 可惜gimmick元素多, 實質味道又麻麻... 青豆茸湯有d青豆粒喺裏面, 豆茸都幾濃, 但味道偏鹹, 最衰係凍嘅… 雞批個皮面偏甜, 但係冇即焗出嚟嗰隻麵包香, 一咬落去雞肉蘑菇料都幾少wor, 感覺仲爭d雜豆添… 基本裏面大多數都係白汁, 這雞批可謂有外表而冇內涵…
香蕉班戟應該算係甜品卦, 不過好似鹹野都未食得滿足就食甜品… 賣相亦係有gimmick嘅, 2塊厚厚嘅班戟上面有合桃粒, 再加幾片香蕉~ 要一提係佢d奶茶色嘅糖漿, 實在係太甜, 雖然甜甜嘅糖漿可以滲入班戟令味道更好, 但係此味道蓋過晒合桃香蕉, 整碟得番一個甜字… 班戟太厚, 入面d粉又熟唔晒咁, 好似好多麵粉漿住個口咁… 厚厚一件班戟係有懷舊feel, 但係似自己整出嚟更好味…
凍朱古力落咗好多粉, 真係凍朱古力而唔係凍朱古力奶, 奶味好少, 不過我地都起碼鍾意佢夠濃~
::: 喜喜特色熱狗 ::: $15
之前電視都有介紹過, 用特製器材烘麵包同埋會鑽個窿先放餡料, 又用咗唔同一般熱狗料, 上枱嘅時候又好特別, 用個鐵漱口盅裝住, 又係sell賣相~ 味道都幾好, 實則好難唔好食, 不過佢個熱狗除咗香腸之外, 仲夾咗蘿蔔同青瓜, 為一隻普通嘅熱狗増添新鮮同爽口感! 而且真係唔會周圍左漏右漏之餘又真係食到底都仲有餡架wor! 另外佢狂加沙律醬都係我最愛~ 熱狗就烘得唔夠脆, $15都算係比個特餐值啦…
每一樣食物都好特別, 但係食過一次都應該難有encore嘅時候. 今晚嚟到仲要冇人, 好靜, 銅鑼灣茶餐廳嚟講算係一個賣點啦… 之不過佢地會俾你就咁坐咩! 過6點後要加一架!
張貼
