How To Live Well (K11購物藝術館)

營業中

休息中

HOW to live well 之前喺觀塘，既係 cafe 亦賣傢俬，而家就嚟到尖沙咀，地方靚咗，高級咗，不過傢俱擺設就好似少咗。Lunch set 加 15 蚊配餐湯同蕎麥茶，餐湯係周打海鮮湯，呢個真係冇得頂，勁香濃勁 creamy，湯入面仲有唔少薯仔粒蜆肉青口同魚肉，鮮味之餘又有咬口，好正😍。主菜我揀咗香煎北海道帶子茶樹菇露筍意大利飯，呢個又係超級正，份量出奇地多，飯粒好飽滿又 creamy，帶子雖然得兩粒，但係煎得剛好，好鮮味，如果蘆筍同茶樹菇切得再細粒啲就 perfect 啦。一邊食，一邊望住對面樓阿伯倚住窗邊食煙，樓下兩個印度人喺度跳舞，感覺好夢幻。