重房 (已搬遷) 新店位置

第一次係香港食omakase，之前只係日本食過，一入到黎環境裝修都幾靚感覺好chill好舒服～今次揀左個＄1580set黎試下前菜係海髮菜配無花果，一酸一甜好開胃。主菜有十幾道 以下係我自已私心覺得特別好食既想分享下岩手縣大船渡生蠔，平時個人對生蠔唔係感太大興趣，但今次食呢個生蠔佢配埋d酸酸地既啫喱同汁食落去感覺真係好夾好鮮，我諗鍾意食生蠔既朋友仔會覺得更加正！鮟鱇魚肝配黑七味，一食落口感好滑，味道就甜甜地，之後聽師傅講原來係經過好多工序去處理先整到咁，口感好似話用牛奶浸過先令到食落咁滑！拖羅生死戀，自已都好鐘意食拖羅，呢道菜同時食到生熟拖羅，放落口一凍一熱個感覺幾特別，食到熟拖既juicy又有生拖既fresh～最後甜品個到就黎左個藍莓千層蛋糕總括黎講野食係不錯，環境都令我加唔少分，同埋師傅除左介紹菜式之餘都有同我另一位朋友吹下水互動下，個vibe都幾好，之前係日本食就做唔到呢樣野因為唔太識日文。