影片
更多
2019-05-12
1538 瀏覽
搬左去東涌已經有一段時間，但都好少係呢區食野，亦無留意過呢區有咩餐廳。有次搭巴士個時經過呢間餐廳，見到有好大既户外空間，環境睇落唔錯，就特登約左男朋友黎試下。户外空間真係好大，有好多枱，啲位夠闊落唔會好逼，枱同枱之間都夠距離，有番一定私隱度，呢點比絕大部分既香港餐廳都出色！每張枱上面都有太陽傘，日頭黎都唔怕曬可惜天意弄人，個晚落大雨，雖然有太陽傘，但驚大風會撇雨入黎，所以最後都係揀左室內既位。先叫杯至愛既mojito大大杯，勁抵飲！酒味再濃啲就更加好～呢度飲野真心勁抵 (Happy hour $48!) ，打算同男朋友間唔時黎吹住海風飲番杯🍹小食揀左個炭燒豬頸肉 ($88) 份量比得好足，絕對對得住個價錢～但重點係燒得好正，肉質細嫩程度無得輸調味都做得好出色，推薦！青咖哩炒青口 $138先讚食材，青口好甜！用左香茅等香料，色香味俱全叫左份油酥餅($28)，不過不失～最後揀左個印尼炒飯($118)先講串燒，燒得有小小dry但調味唔錯。隻蛋7成熟，係我鐘意既溏心蛋個飯份量好多，兩個人share一個再加啲小食夠哂飽，配料亦都好豐富，整體都唔錯。不得不讚既係Staff 服務好好，親切有禮又有效
户外空間真係好大，有好多枱，啲位夠闊落唔會好逼，枱同枱之間都夠距離，有番一定私隱度，呢點比絕大部分既香港餐廳都出色！每張枱上面都有太陽傘，日頭黎都唔怕曬可惜天意弄人，個晚落大雨，雖然有太陽傘，但驚大風會撇雨入黎，所以最後都係揀左室內既位。
先叫杯至愛既mojito
大大杯，勁抵飲！酒味再濃啲就更加好～
呢度飲野真心勁抵 (Happy hour $48!) ，打算同男朋友間唔時黎吹住海風飲番杯🍹
小食揀左個炭燒豬頸肉 ($88)
份量比得好足，絕對對得住個價錢～但重點係燒得好正，肉質細嫩程度無得輸調味都做得好出色，推薦！
青咖哩炒青口 $138
先讚食材，青口好甜！用左香茅等香料，色香味俱全
叫左份油酥餅($28)，不過不失～
最後揀左個印尼炒飯($118)
先講串燒，燒得有小小dry但調味唔錯。隻蛋7成熟，係我鐘意既溏心蛋個飯份量好多，兩個人share一個再加啲小食夠哂飽，配料亦都好豐富，整體都唔錯。
不得不讚既係Staff 服務好好，親切有禮又有效率無論係食物定環境，都值得推薦比大家～
張貼
