鳥海山鐵板燒 (已搬遷) 新店位置

今日去左位於長沙灣嘅鳥海山鐵板燒。門口細細，日式裝潢。食店有一列圍住鐵板嘅高枱，仲有d三，四人餐枱，擺位闊落，而且非常乾淨企理。一坐低店員即刻裝上熱茶，天氣凍凍地飲返杯熱茶真係好舒服。食物方面，我叫左廚師發辦嘅 特上壽司盛九貫， 安格斯牛柳，同埋好多好評嘅鐵板燒比目魚。第一樣上嘅食物就係 鐵板燒比目魚，比目魚嘅魚皮燒得非常香脆。魚肉厚身，咬落好嫰滑，充滿油香。之後就上左 特上壽司盛九貫，店員依次介紹唔同嘅壽司，亦講解有d壽司有調味可以不用點豉油。擺盤非常精緻，有池魚，鯛魚，油甘魚，帶子，甜蝦，三文魚籽等等。店員提醒先食左三文魚籽，一啖擺落口，三文魚籽就喺口腔爆開，濃郁嘅魚籽同壽司飯融合哂。材料食得出新鮮高質素！材料鮮甜之餘肉質都非常好，完全冇唔新鮮嘅口感。其中最驚喜係帶子壽司，帶子好厚身，好滑之餘，清甜味越食越出，令人難忘。油甘魚壽司等上面放左鮮山葵，食落多左一份山葵香味，爽口，味道更有層次。到最後一道 安格斯牛柳，蒜片可以話係畫龍點睛。第一啖先就咁試安格斯牛柳，牛味香濃，有咬口但唔會過韌或者太熟。第二啖配埋香脆嘅蒜片，調和左燒牛柳帶黎嘅油膩感之外，令牛肉味更出，食完個口都會有種蒜味，