麻辣派對 (瑞生酒店) (已結業)

之前去過銅鑼灣分店，覺得幾好食，知道尖沙咀都有，所以就黎試試。這間餐廳位於酒店的一及二樓，沒有想過內裡環境像去了神秘國度，有很多顏色奪目的花草做裝飾，而且有種好高貴的感覺！今次黎到當然要繼續食辣啦！派對口水雞($68)，口水雞份量不算很多，但是味道都不錯，帶有點辣和花生味！鮮椒爽脆生腸($78)，自從譚仔冇得食之後，好耐都冇食過，估唔到呢度有得食！生腸爽脆，帶有少少辣味，口感不錯！香鍋辣子系列自選鍋($200)，上次都係食自選，今次也是。配料包括土豆片、蓮藕片、鮮牛肉、豬大腸同埋香乾豆腐！這個鍋還會用火熱住，等啲汁更能吸收。雖然點了bb辣，但食食下都好辣了！土豆片夠淋，蓮藕片爽口，鮮牛肉嫩滑，大腸唔會好肥，整體用黎送飯最好不過！蜜語水果茶($38)、冰雪鮮檸C飲($38)，食辣野當然要飲返啲冰涼既野，兩杯飲品都很大杯，前者唔會好甜，後者夠酸。兩者都是解辣好幫手！總括黎講，餐廳環境舒適，店員又親切，價錢又唔算好貴，一定會再光顧！