麻辣派對 (瑞生酒店) (已結業)

今日帶住BB嚟到附近行街，想食小菜，記得呢間麻辣派對，唔止麻辣嘢出名，其實佢嘅小菜都好出色！之前我只係去過佢嘅銅鑼灣分店，尖沙咀呢度都係第一次嚟！值得一讚佢嘅餐廳環境，樓底十分之高，播住懷舊嘅純音樂，上面周圍都係花花嘅裝飾品，同埋有藝術氣息嘅掛畫，令人好似身處喺花園食嘢一樣👍今日食咗酸辣粉、咕嚕肉、口水雞✨✨特別要讚嘅係佢嘅⭐️酸辣粉～材料有水晶粉、肉碎、榨菜、花生粒、芫荽，酸同辣嘅比例啱啱好，食落仲有少少甜甜地😋⭐️口水雞～醬料有花生粒、炒香左嘅芝麻，同埋佢嘅秘制麻辣汁😋加上佢夠晒凍，超級正！質素咁好！我一定會再返嚟食