Cafeholic

營業中

休息中

咁岩黎到沙田行街，行到攰一攰，當然要搵啲野食醫下肚！沙田無論幾時都咁多人，要搵間餐廳坐低食野真係唔容易😫去到冇咁多人既希爾頓中心，發現左一間西餐廳，下午茶款式都多而且價錢都唔貴最重要唔要點等位，就衝左入去坐低了😂入到去睇睇menu，揀左個卡邦尼意粉，煙三文魚碎蛋沙律·吞拿魚班尼迪蛋同埋一個士多啤梨雪糕窩夫！卡邦尼意粉好多汁，每條意粉都充滿芝士汁，好creamy，不過食得太多會好濟！班尼迪蛋有2款，一個煙三文魚沙律，一個吞拿魚蛋！一次過可以試晒2個口味，正！而窩夫就有啲普通，比較淋！面頭有雲呢拿雪糕同幾粒士多啤梨，士多啤梨比較酸！整體黎講環境同野食都ok!