重房 (已搬遷) 新店位置

身為Omakase愛好者嘅我，最近見到銅鑼灣新開左一間，聽講佢哋以前喺北角搬咗過嚟，咁就當然要過嚟試一試。揸車嘅朋友可以拍去對面停車場😎環境都算幾大，因為全層都係佢哋，聽師傅講佢哋仲有一間包房，啱晒鍾意私隱度高嘅朋友仔🤓前菜先嚟菠菜，南瓜白子，同出邊做法有少少唔同，輕輕煮一煮，配上酸汁，非常清新深海池魚，輕輕燒一燒，加上炒香左嘅木魚同日本大蔥香箱蟹，季節限定，松葉蟹乸，每年只有兩個月，今日有幸比我食到，果然同普通松葉蟹唔同鮟鱇魚乾，用高湯煮過，口感軟滑秋刀魚，師傅先將油脂燒出嚟，非常之香磯煮鮑魚，本身鮑魚已經煮到好入味，先食咗一舊原味，另外再點埋鮑魚乾醬，非常之香吞拿魚下巴燒到好香，配埋蘿蔔蓉一齊去食，正之後就到壽司上場赤貝，帶子，池魚卷，赤海膽，櫻花蝦拖羅蓉卷食完壽司之後，最後飲返碗熱辣辣既魚湯今日嘅甜品係水信玄餅，清清地唔會太甜👍🏻總結個人覺得呢度性價比唔錯，最重要嘅係同出邊嘅唔同，坐得比較舒服，唔會好逼夾，同師傅傾開偈佢話原來呢度有得唱K😂😂，嚟緊朋友生日絕對可以再嚟一次