李公館

營業中

休息中

一大班同事去飲茶，今次試新茶樓，餐廳裝修華麗，頗有特色。每次飲茶必點蝦餃同燒賣，蝦餃有驚喜，蝦餃皮碧綠色，顏色令人增加食慾，蝦肉非常爽口，而且好大隻；另外燒賣都好特別，有件少少既鮑螺片係上面，提升鮮味，燒賣都好大隻。腸粉亦都好高質，一次試晒兩種腸粉，分別係櫻花蝦蜜汁叉燒腸同埋粒粒靈芝菇牛肉腸，腸粉皮好薄，望落去晶凝通透，櫻花蝦既香味結合埋叉燒，提升味道，另外牛肉腸加左靈芝菇，香味十足。小菜要咗石鍋胡椒雞，辣度唔算太辣，雞要等一陣先食，等雞肉完全熟透，肉質嫩滑。飯揀咗石鍋鮑魚雞粒炒飯，鮑魚汁份量好多，完全覆蓋晒飯，每一啖都食到鮮味。