第三站

樓上cafe 依家真係賣少見少，要搵有質素嘅就更加唔容易😌第一次嚟到station 3 - 第三站都有唔少驚喜位😳首先餐廳位於旺角金雞廣場25樓，旺區中心位置頗為方便，第二就係餐廳裝潢怖置簡潔新淨，環境明亮而且空間感大，第三就係食物飲品都係中上水平，但可能客人太多（平日晚市都爆場），所以想食好嘢就要等一陣啦😆晚市有dinner set 都有8款選擇，包咗main course 同$38以內嘅飲品，又或者可以參考a la carte menu 都仲有唔少選擇👍🏻我地道叫咗兩個dinner set 再加一份小食就已經夠哂😆蟹肉雜菌忌廉闊條麵蟹肉已經預先拆肉，而且份量對得住價錢，並沒有過多嘅調味而係食材料平身嘅新鮮度同天然嘅海鮮鹹香，忌廉汁多番少少就更好👍🏻黑松露帶子鮮菌燴意大利飯大愛❤️黑松露香氣撲鼻，珍珠帶子雖然細細粒，但就每一啖都食到好滿足，芝士🧀️白汁包覆住每一粒意大利飯，奶香味濃郁蜜糖芥末單支炸雞🍗一客有6件棒棒雞，食起上嚟超級方便，拎住單支骨一啖就食完，棒棒雞好香口而炸粉唔算厚，沾埋蜜糖芥末醬更滋味😋神仙🫖 +$20 升級雖然要補差價升級，但有一大壺茶仲要唔係茶包都唔錯，而且仲可以加