影片
更多
2011-08-02
196 瀏覽
上星期五同朋友食生日飯,本來一心諗住去食新壃菜,點知full晒,即刻轉地點,諗起呢度就馬上訂位,好彩仲有位,限時兩個鐘,我地八個人訂左七點至九點. 我地自己帶蛋糕入去都唔使另外收切餅費,這點很好.八個人睇下食咩先,朋友有會員咭有八五折還有一張coupon送一客pama ham配忌廉蘋果,之後我地都叫左好多嘢,有十一樣呀!! 還叫左一壼酒添呀,係紅酒底加雜果雜似fruit punch咁,幾易入口呀,好味,但酒精應該都唔少架,個酒壼好靚架,有些提子圖案係上面.叫左好多前菜,細細碟樣樣都試下都幾開心,有西班牙香腸,蒜蓉包配蕃茄蓉,凱撒沙律,炒什菇,芝士菠菜卷,洋蔥薯仔蛋餅,全部都係細細份的,送既巴拿馬火腿都好味,雖然唔夠每人一塊,不過試下都ok呀,下面有些忌廉蘋果,酸酸地好開胃.西班牙香腸配蘋果,好香唔肥好味道,蒜蓉包加埋d蕃茄粒係上面都好味喎,蒜蓉包唔算好香脆,但都好味,凱撒沙律都幾大份架,有塊蒜蓉包係面,唔係好重芝士味,有些麵包粒,芝士菠菜卷一般,蛋餅朋友話一般但我好鍾意佢既質感.好豐富的感覺, 炒什菇係openrice有人話好味,我覺得都好香,有種特別既菇味,佢有些冬菇,麻菇,草菇..
八個人睇下食咩先,朋友有會員咭有八五折還有一張coupon送一客pama ham配忌廉蘋果,之後我地都叫左好多嘢,有十一樣呀!! 還叫左一壼酒添呀,係紅酒底加雜果雜似fruit punch咁,幾易入口呀,好味,但酒精應該都唔少架,個酒壼好靚架,有些提子圖案係上面.
叫左好多前菜,細細碟樣樣都試下都幾開心,有西班牙香腸,蒜蓉包配蕃茄蓉,凱撒沙律,炒什菇,芝士菠菜卷,洋蔥薯仔蛋餅,全部都係細細份的,送既巴拿馬火腿都好味,雖然唔夠每人一塊,不過試下都ok呀,下面有些忌廉蘋果,酸酸地好開胃.
西班牙香腸配蘋果,好香唔肥好味道,蒜蓉包加埋d蕃茄粒係上面都好味喎,蒜蓉包唔算好香脆,但都好味,凱撒沙律都幾大份架,有塊蒜蓉包係面,唔係好重芝士味,有些麵包粒,芝士菠菜卷一般,蛋餅朋友話一般但我好鍾意佢既質感.好豐富的感覺, 炒什菇係openrice有人話好味,我覺得都好香,有種特別既菇味,佢有些冬菇,麻菇,草菇....等等.
主菜方面我地叫左一個香腸牛仔肉長通粉,我諗係香草卦因係綠色的,牛仔肉好淋身好味,長通粉都好味呀,好入味好清新,我鍾意! 西班牙海鮮炒飯,都好大份,有四隻開邊大蝦架,仲有其它的海鮮,個飯炒到濕濕地好多汁,好香呀,大蝦都好入味,雖然唔係好爽口彈牙,但都啖啖肉架.正呀!!
西班牙豬脾仔,呢個豬脾都好淋身,切開左幾件,跟住再切開多幾件都好易切,d肉好淋,唔會好肥,幾香口呀.有些薯仔配菜. 燒羊架,這個一般,沒有甚麼汁,羊架有少少酥,但唔係好入味及香口. 鹽焗魚,係用好多鹽焗住的,仕應係我地面前拆開條魚,好香呀,好入味,雖然係鹽鹽地唔係個個都接受到,因有朋友話鹽得滯,但我覺得條魚保持住魚肉好滑,入晒味,好good呀!!
一路食一路坐一路傾計,餐廳環境都幾舒服,不過細左少少有點迫的感覺,因我去過銅鑼灣果間大好多坐得冇咁辛苦. 全晚都有兩個表演者在彈結他唱歌,我地有人生日所以切蛋糕佢地都有過嚟唱歌俾生日的朋友聽.仲唱左好幾首添呀!!
雖然話食兩小時,但我地過左半小時都沒有人趕我地走,餐飲都幾full架,出面都有些坐位可以坐.我地食左咁多嘢,又飲酒但價錢都唔算太貴!!
張貼
