大戶屋 (已結業)

復活節假期，周圍人頭湧湧，去到邊度都總覺得人嘅數目使我感到侷促，一家三口決定去大戶屋食日本嘢，坐得舒服之餘亦食得安心。叫咗一客兒童餐比仔仔，非常豐富，雞肉親子丼，配薯餅，有甜品同蘋果汁，最令仔仔高興係有小玩具，一架小飛機玩具，使佢全程食得開心；小朋友食得開心，大朋友更可以食得專心。環境方面，我一向對大戶屋嘅座位設計都好滿意，坐得鬆動舒服之餘，枱與枱之間有足夠嘅距離，大大張枱感覺唔會好迫，最啱一家大細或朋友聚會一流。