影片
更多
2023-04-14
54 瀏覽
《 灣仔米芝蓮氣派餐廳 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧最近想食返啲好食嘅中餐，上網搜尋一輪想搵啲高質嘅餐廳，後來在米芝蓮推介度見到2022年獲《米芝連指南》入選推介餐廳金紫荊生記粵菜廳！位於灣仔，坐喺度可以見到金紫荊，仲有海景，環境夠晒氣派，趁放假期間與朋友一齊去食！前菜分別有焦糖黑豚叉燒、蔥油海蜇花、煙燻素鵝，叉燒厚實外皮焦香，但內在口感好鬆軟！海蜇非常爽脆，又香又酸十分開胃！素鵝煙燻過後好香口！之後有個靚湯，龍王杏汁燉白肺，湯底杏仁味係中式嘅杏仁茶味，好似平時食開嘅杏仁蛋白霜，但係佢就配搭白肺，個風格都幾特別，係有少少咸味一啲都冇內臟嘅腥味！而且特色之處仲有蠟燭喺下面坐熱佢！主菜一共有六款！餐廳好貼身幫我哋分好晒！薑蔥千層竹波士頓龍蝦鮮味十足的一道菜，與薑蔥邊炒過後更加有鮮味！意大利黑醋松板肉松板肉其實就係豬頸肉，但實際啲來講其實係豬下巴嘅肉，隻豬嘅份量都比較少，脂肪比例比較高，佢哋利用左意大利黑醋去中和返個油膩感香蔥雞油蒸馬友係我最鍾意一道菜，特別之處係用咗雞油，上菜嘅時候已經分好左，但仲係好溫熱，識落一啲都唔腥，肉質勁嫩，好香！火焰鹽焗雞好玩又好食，鹽焗雞
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
最近想食返啲好食嘅中餐，上網搜尋一輪想搵啲高質嘅餐廳，後來在米芝蓮推介度見到2022年獲《米芝連指南》入選推介餐廳金紫荊生記粵菜廳！位於灣仔，坐喺度可以見到金紫荊，仲有海景，環境夠晒氣派，趁放假期間與朋友一齊去食！
前菜分別有焦糖黑豚叉燒、蔥油海蜇花、煙燻素鵝，叉燒厚實外皮焦香，但內在口感好鬆軟！海蜇非常爽脆，又香又酸十分開胃！素鵝煙燻過後好香口！
之後有個靚湯，龍王杏汁燉白肺，湯底杏仁味係中式嘅杏仁茶味，好似平時食開嘅杏仁蛋白霜，但係佢就配搭白肺，個風格都幾特別，係有少少咸味一啲都冇內臟嘅腥味！而且特色之處仲有蠟燭喺下面坐熱佢！
主菜一共有六款！餐廳好貼身幫我哋分好晒！
薑蔥千層竹波士頓龍蝦
鮮味十足的一道菜，與薑蔥邊炒過後更加有鮮味！
意大利黑醋松板肉
松板肉其實就係豬頸肉，但實際啲來講其實係豬下巴嘅肉，隻豬嘅份量都比較少，脂肪比例比較高，佢哋利用左意大利黑醋去中和返個油膩感
香蔥雞油蒸馬友
係我最鍾意一道菜，特別之處係用咗雞油，上菜嘅時候已經分好左，但仲係好溫熱，識落一啲都唔腥，肉質勁嫩，好香！
火焰鹽焗雞
好玩又好食，鹽焗雞嚟到之後大家用大錘打碎，雞嘅份量好多，唔同部位都好好食！食之前又會添加一啲茅台！
蝦乾梅菜蒸勝瓜
勝瓜配搭上蝦乾和梅菜，簡簡單單已經好好食！
堂弄砂鍋鮑魚焗飯
大廚即場在旁邊抄，鮑魚切粒，鑊氣十足！
桂花雪燕3.6牛乳奶凍配芝麻卷
甜品一啲都唔馬虎，桂花雪燕奶味十足，再加上芝麻卷，香味濃郁，食完都有啲意猶未盡！
#
張貼