TC Bistro (已結業)

自從新浦崗起咗 mikiki，景福街即時旺咗好多，想當年，夜晚8~9點已經靜過鬼！老野又係到想當年....行過 TC Bistro，被佢嘅環境吸引，入到去好似身在中環尖沙咀，格調高尚，欣賞！點咗個醬烤豬肋骨，龍蝦忌廉汁海鮮意大利飯，白桃香橙沙冰，草莓沙冰，餐湯係大蒜薯仔湯.先講個沙律，沙律上有幾粒好甜好鬼正嘅水果，細問之下原來叫無花果，哈哈... 真係大鄉里見識少.大蒜薯仔湯比較清，蒜蓉味唔重.海鮮意大利飯嘅龍蝦汁夠濃郁，意大利飯煮得有𡁻口，海蝦夠大隻，蝦肉新鮮夠彈牙，唔錯.好多餐廳嘅烤豬仔骨，唔知點解豬肉嘅份量都好少，得舊骨， TC Bistro 無哩個問題，豬肉足夠，成份豬仔骨亦夠大，而且烤得好好味，夠 juicy 無烤得過火.草莓沙冰用嘅係新鮮草莓，飲到打碎嘅籽，而且味道唔錯，唔似藥水味.最後一提係D靓妹妹侍應，服裝態度唔錯.