樂天皇朝 (利舞臺廣場) (已搬遷) 新店位置

早幾日，同屋企人去銅鑼灣食上海菜，因為本身好想食小籠包，就特別揀咗呢間喺利舞台嘅樂天皇朝。我哋點咗：原味小籠包、素鴨、蘿蔔絲酥餅、上海外婆紅燒肉、木樨肉炒拉麵、桂花酒釀丸子原味小籠包：皮薄、肉湯不算多，食完唔會覺得好滯素鴨：甜甜地，豆皮好滑，入面無餡，不過我同屋企人都覺得好好食蘿蔔絲酥餅：炸得香脆，裏面嘅蘿蔔絲好甜，切條狀，咬得到每條蘿蔔絲嘅爽口上海外婆紅燒肉：五花腩肥膏與瘦肉均勻，帶甜嘅汁料非常增加食慾木樨肉炒拉麵：份量大，唔太咸桂花酒釀丸子：桂花好香，酒味都好突出，略嫌唔夠甜，如果甜啲，會更加好