西貢海灣會燒烤大王

之前睇食評，好多都話態度差，點知真係聞名不如見面，門口接待女職員態度無得彈啦😏，攞左飛既派2個代表留係到比錢，其他出去等，e..心諗咁搞鬼，黎燒烤要派代表，真係好野喎🤷‍♀️。另邊廂諗住加1舊水坐個好dd，空氣流通dd既位置，點知比個位同唔加錢既有咩分別呢？一樣煙到老母唔認得，仲要話有隻加2舊水既位，真係唔知會比咩位你🙄，同埋呢度其中有樣食物，就係蕃薯，佢地提供蕃薯比你，但唔提供錫紙，咩野玩法，原來如果想食蕃薯唔該用錢買一卷錫紙😏，仲有每枱客之間根本冇距離可言，後面枱客成日搵張櫈撞落黎我張櫈度，連行過都冇位，眼見今日又唔係爆場，都可以夾硬咁樣塞客，我真心佩服呢度既老闆搵錢賺到盡既態度，呢度set 得咁既場，請得D咁好既員工，應該都唔諗賺口碑，唔想有回頭客架啦，呢個場對我黎講可一不可再。