Cafe Addict (已結業)

放假早餐搵間環境舒適既cafe 食個早餐休息下充充電。上網搵到間係佐敦地鐵站附近既cafe，地點咁好就黎試下。餐廳環境都好舒服，cafe 就係需要呢啲。menu 都簡單易明，一早冇咩特別心水，於是揀個all day breakfast 就岩哂。叫左個玉子燒早餐，入面有日本蛋製玉子燒 、南瓜薯餅、沙律菜、車厘茄、雜菌、香草豬肉腸同埋酸種麵包。沙律個度揀左日本柚子醋，酸酸味味幾開胃。南瓜薯餅嘅南瓜蓉好甜，對比起炸薯餅好似健康啲。香草豬肉腸都幾結實。玉子燒都幾特別，其他既可能係一個炒蛋但係佢地既玉子燒都幾有特色，而且對比起蛋嘅份量好多，都幾啱食。飲品早上咖啡是基本，叫左杯Flat White，拉花靚，咖啡味夠濃， 奶既份量都好夠，好飲。整體黎講，地點好，環境正，員工又nice，食物好食，簡單食個早餐relax 下都好好。