韓舍 (已結業)

韓舍有兩間分店，之前試過元朗果間覺得物有所值。今次再黎試旺角呢間。門口有好大個lego公仔，老闆應該好鐘意lego當晚我地係七點幾入座，裡面都未算多人，但佢裡面由於唔算放好多枱，一入去覺得坐得好舒服，又唔會好嘈，放題餐廳黎講，環境相當唔錯放題要點既食物大致係壽司同魚生，壽司我覺得都足料同味道唔錯，而魚生，我只食左帶子，都新鮮唔錯每晚都會送呢set牛同海鮮比頭唔知幾多張枱, 牛肉都幾肥美，而d蜆都好甜蠔都夠哂大隻我地點左個雞煲，有埋花膠，初初食雞唔算辣，但最後加湯煮菜，食菜果時就感覺到辣，本身對d雞唔太大期望，但竟然出奇地好食，好入味同滑野飲方面啤酒汽水唔少得，我食火鍋一定要飲啤酒，而呢度有四個牌子既啤酒任飲火鍋配料都好齊全，基本上你諗到既都有，豬牛羊肉亦任拎，除左生野，重有d熟食。甜品雪糕都唔少選擇，實有d係岩食，食完真係好飽好滿足整體黎講，呢間韓舍同元朗果間因爲元朗係食bbq, 呢間係食火鍋，各有各好，都係性價比高之選