更多
2021-09-04
81 瀏覽
本來想book禮拜食,但原來要預早兩個月book先至有位。打電話去嘅時候,服務員話可以嘗試當日Walk in,但當然要一早去等位。到星期六,12點去到,同服務員講,大概1:30左右就有枱啦。等緊嘅期間可以喺佢哋等候嘅位置坐下,好寬敞舒服。又或者出去外面打下卡。一個半鐘頭好快就過。其實餐廳入邊一直都有好多吉枱。但應該係為咗維持環境質素,所以佢哋唔會一次過坐滿晒所有枱。當中其實有一半嘅枱都係吉嘅。我哋叫咗幾樣點心炒飯同埋伊麵。點心大致上都非常精緻,味道亦都好好。睇得出亦都食得出材料唔係馬虎。最鍾意食佢嘅紅米鮮蝦腸粉。胡椒餅同埋叉燒包都非常之細,大過粒湯圓少少。但係好味。食完其實都唔係好飽,不過要食飽嘅話可能每人要$1000左右。我哋求其食咗幾樣點心同埋甜品就算啦。欣賞佢可以每樣點心根據人數已落order。只要人頭係三個人以上,就可以一粒一粒咁樣加上。例如我哋有八個人,就可以要八粒點蝦餃。正常每樣點心一龍係三件。
瑤柱蛋白炒飯
4 瀏覽
0 讚好
0 留言
蝦餃
3 瀏覽
0 讚好
0 留言
張貼