牛の鍋日本料理

營業中

休息中

呢排天氣開始轉涼 因為本身鍾意打邊爐 所以今次同朋友決定打邊爐🤤🤤上網搵到荃灣有好幾間打邊爐既鋪頭 而呢間睇落比較多人讚 亦價錢唔貴 所以入咗嚟咁餐廳入邊有三個餐 我同朋友就揀咗B餐 入邊已經有200款日本料理 火鍋 同 甜品 已經夠食 湯底亦都有好多選擇 因為食唔到辣 我就揀咗花膠荳香魚湯🐟🐟坐低咗之後好快就用QR code落單 其實真係幾多野食選擇 咁我就嗌咗自己鍾意食嘅嘢 因為打邊爐一定要食牛🐮所以特別狂嗌封門柳 牛肩甲肉眼 都好好食😋😋😋而餐廳入邊有好多飲品選擇 有平時放題會飲到嘅飲品外 有果汁 亦都有自家嘅烏龍茶 羅漢果 等等 包你一定飲到岩自己口味嘅嘢🍶🍵🥤另外特別一提餐廳職員服務態度好好 餐廳嘅環境都好好 好大 好舒服 我同朋友 食完嘢之後就一度飲嘢一度傾偈 不知不覺就食到甜品都叫唔切 所以食唔到 下次有機會一定會試下Overall 其實呢間餐廳係一個有放題野食既打邊爐餐廳 而相對應每樣嘅質素都唔差🤪 所以如果同時想食放題 又想打邊爐 可以黎呢到 有好多好多選擇揀🤣一定夠飽‼️