EL CID西班牙餐廳 (已結業)

今日約了朋友去尖沙咀午餐，朋友相約到諾士佛台嘅一間西班牙餐廳，地點方便，環境也不錯，還有輕妙歌聽。平常甚少食西班牙菜，不太熟識，當然朋友做嚮導。原來有午市套餐，一百元左右，非常抵食。是日餐湯係椰菜花甘筍湯，濃郁充滿著蔬菜清甜。麵包鋪滿蕃茄茸和火腿，非常有西班牙小吃特色。香煎西冷牛扒要求medium熟度控制得宜，肉質軟腍，邊位有少少脂肪，增添了脂香。薯條外脆內軟熟，停不了口。最後一杯香濃咖啡，完美午餐。