PAUSE IT

營業中

休息中

餐廳以木色和白色為主，簡約得來都幾靚，好啱同朋友嚟食吓嘢，吹吓水同打吓卡！溫泉蛋卡邦尼意大利粉我本身好鍾意食卡邦尼意粉，呢間都整得好好味，最欣賞佢有埋溫泉蛋，撈埋啲意粉一齊食，口感幼滑，醬汁濃郁，好味！All Day Breakfast呢間餐廳嘅All Day Breakfast好豐富，有包、煙肉、沙律菜、炒蛋、番茄、菇、茄汁豆等，最正嘅係有好大條嘅司華力腸，食完真係好飽好滿足！另外，我哋叫咗期間限定嘅檸茶啡，呢杯檸茶啡個味道好特別，有檸檬味，又有茶味，又有咖啡味，好難形容，但估唔到有幾好飲！另外都叫咗杯抹茶拿鐵，上面有拉花圖案，好靚！抹茶味香濃，口感濃郁豐富，好好飲！