影片
更多
2023-07-06
29 瀏覽
今日放工過黎觀塘搵舊同事食飯，想搵間清靜嘅餐廳食下好西吹下水，就簡左呢間一起食堂。兩個女仔都唔大食，不過見到佢啲小食又忍唔住叫下炸物食。花雕麻油雞湯麵 $79一上枱見到擺得好靚，一開始我都好驚酒味會太濃，原來餐廳會分開左個花雕酒，方便大家自己調教個酒味。我本身就唔係好中意酒嘅，所以一開始就咁試飲個湯先，發覺麻油雞個味都好出，但又唔算好膩，之後加左啲啲酒落去，發覺果陣雞香味即刻出晒黎，入口完全係昇華左一個level，食麵最緊要就係個湯底，加左花雕酒嘅麻油雞湯真係不得了!重有就係佢啲雞件，完全無骨,做到好似雞卷咁嘅，超級滑又易咬，好好食!花枝丸肉燥米粉+鹽酥雞 $69朋友就簡左呢個米粉，佢話米粉唔會好林好好味!花枝丸有丸味亦都有花枝嘅咬口，唔會好似食緊粉咁，鹽酥雞真係要大讚!炸得完全唔乾，個炸皮炸得好脆又唔會勁厚，份量上望落好似細細兜但原來都幾襟食。吉列炸蠔 $48四件炸蠔都算幾大件，配上沙律醬好惹味，炸皮都唔會好厚，入面件蠍都幾大隻，亦都無唔新鮮嘅味道，好正!淨鹽水雞 $58原來鹽水雞就係麻油雞湯麵入面啲雞，唔擺落湯到食又係另一種風味，重配有好多蔬菜，呢個小食真係好健康!紅豆奶茶 $25
兩個女仔都唔大食，不過見到佢啲小食又忍唔住叫下炸物食。
花雕麻油雞湯麵 $79
一上枱見到擺得好靚，一開始我都好驚酒味會太濃，原來餐廳會分開左個花雕酒，方便大家自己調教個酒味。我本身就唔係好中意酒嘅，所以一開始就咁試飲個湯先，發覺麻油雞個味都好出，但又唔算好膩，之後加左啲啲酒落去，發覺果陣雞香味即刻出晒黎，入口完全係昇華左一個level，食麵最緊要就係個湯底，加左花雕酒嘅麻油雞湯真係不得了!重有就係佢啲雞件，完全無骨,做到好似雞卷咁嘅，超級滑又易咬，好好食!
花枝丸肉燥米粉+鹽酥雞 $69朋友就簡左呢個米粉，佢話米粉唔會好林好好味!花枝丸有丸味亦都有花枝嘅咬口，唔會好似食緊粉咁，鹽酥雞真係要大讚!炸得完全唔乾，個炸皮炸得好脆又唔會勁厚，份量上望落好似細細兜但原來都幾襟食。
吉列炸蠔 $48四件炸蠔都算幾大件，配上沙律醬好惹味，炸皮都唔會好厚，入面件蠍都幾大隻，亦都無唔新鮮嘅味道，好正!
淨鹽水雞 $58原來鹽水雞就係麻油雞湯麵入面啲雞，唔擺落湯到食又係另一種風味，重配有好多蔬菜，呢個小食真係好健康!
紅豆奶茶 $25朋友叫左半糖，味道真係唔會好甜，紅豆好香好重奶味，配炸野食真係一流!
原味波子汽水 $26
最近飲左好多廢水，見到細個好中意扭父母買嘅波子汽水好想回憶下!吒個牌子由細飲到大相信大家對呢隻味都完全唔會陌生啦!配濃味嘅麻油雞真係好正
聽朋友講下晝過黎食都好多打工仔幫襯，因為lunch更加抵食!不過dinner都唔錯，如果大家係附近返工，想放工坐下食下野傾計，呢到真係幾好，環境靜靜地可以同朋友暢所欲言，之後再搵朋友食飯都會再黎過!
張貼
