紙飛機親子空間

營業中

休息中

第一次同呀囡去親子餐廳，怕多人，所以簡左平日同遠少少既紙飛機親子空間餐廳。呢度環境唔錯，餐廳外已經有個好大既平台可以玩。而餐廳入面好新淨，設施充足，呀囡玩足三個鐘！波波池係呀囡最愛，勁多波波，人唔多，可以係入面游水彈跳床夠彈力😏😆仲好多角色扮演既衫，可惜太大件，唔岩呀女著。一大盒Lego呢個超市同廚房又係超愛！勁多唔同既食物，可以扮買野，再返去煮廚房設備好齊全，可以大顯身手！🤣🤣呢度既食物質素都唔錯！兒童餐，都幾大份！款式多！味道偏淡，岩晒小朋友口味！個熊仔包好可愛，入面係奶黃餡，個包好鬆軟，呀女勁鐘意食！個餐仲包湯同果汁，果汁係健康既bless！👍🏻👍🏻而我就食黃魚燴麵麵條好彈牙，軟硬適中！個魚炸到好脆，內裡魚肉好新鮮！呢度食物質素幾好！整體感覺唔錯，呀女又鐘意玩，家長可以安心食餐飯，會再去！