洋食商店 (喜遇)

營業中

休息中

好耐之前朋友已經向我狂推介長沙灣嘅洋食商店，佢話呢間西日居酒屋好似將日本搬咗過嚟咁，勁有昭和風味，好啱打卡，重點係嘢食全部都好高質，於是乎終於約咗佢喺過年前聚一聚 😍日式鐵鍋飯二人餐燒和牛牛舌、明太子玉子燒、關東煮小食我哋就揀咗呢兩個，牛舌同埋玉子燒都好厚身 😍 個牛舌燒得好香，而且口感都仲好嫩；至於玉子燒，上面鋪滿晒明太子，咬落去勁Juicy，淨係食呢兩個都已經覺得好正 🤤 另外仲有一個關東煮，呢啲天氣食關東煮真係覺得好正！三黃雞鐵鍋飯作為主角嘅三黃雞鐵鍋飯，一上枱已經覺得勁吸引，大大隻三黃雞鋪喺飯上面，雞肉香嫩多汁，而且嗰條味較得剛剛好，又香又惹味；至於個飯真係超好味，佢將啲香料煮到入晒去啲飯度，而且飯嘅軟硬程度適中，每一啖食落去都係好香嘅味道，但你又唔會覺得濃到口渴，連我哋兩個平時麻麻哋食飯嘅都差唔多清晒成兜飯 😍開心果草莓芭菲食飽正餐再叫多個甜品，呢排梗係食開心果啦，呢個開心果草莓巴菲個賣相超靚，一上枱已經忍唔住拎嚟係咁打卡 😂 除咗雪糕之外，仲有百力滋、朱古力、nuts、同埋士多啤梨乾，口感都好豐富，而且唔會好漏，個開心果味好出，值得推介！菠蘿百香果乳酪烏龍、青提乳酪烏龍想講