影片
更多
2018-12-16
3782 瀏覽
終於有機會黎個大三元, 將元朗三大OMAKASE集齊😃😃😃今日攻略埋最後一間源壽司; 私人原因令今次既BOOKING一推再推👻 1:40分黎到門口, 結果舖頭係要準時1:45 先可以入座🙄 (中午假日係食兩輪😬) 舖頭對比另外兩間樓底同地方都大好多, 畢竟位處較偏, 遠離咗元朗中心區域, 可能租金會好控制, 裝修簡單: 一大張壽司吧枱對住大約20個位, 每個位都可以清楚見到壽司師傅既製作及表演過程😏😏其實呢個係我覺得佢明顯勝過另外兩間既地方, 壽司之神舖面較窄, 有部份要坐方枱, 遠離壽司吧; 鮨文就分咗兩枱😥成餐飯1個幾鐘, 可以細心係柔和輕細既音樂下欣賞師傅既手藝, 無論係佢落刀有幾深, 切幾多刀, 橫紋網紋; 扼壽司扼左幾多下, 落咗乜嘢配料, 都係單眼佬睇老婆, 一眼睇晒🧐🧐🧐 熱茶過後, 先上頭盤, 有清口既酸薑, 牛榜, 濃味既蕎頭, 源壽司自製既WASABI椎山 (呢個特別爽口, 印象深刻)🍠師傅堆砌過後慢慢解釋, 呢份就係高級料理既享受~ 頭盤海哲小菜同蒸蛋黎到; 小菜略酸; 而蒸蛋非常精彩, 作為今日少有既熱食, 佢既溫度可以燃起寒冬, 松露混咗高湯滲穿左水蛋; 滑溜
舖頭對比另外兩間樓底同地方都大好多, 畢竟位處較偏, 遠離咗元朗中心區域, 可能租金會好控制, 裝修簡單: 一大張壽司吧枱對住大約20個位, 每個位都可以清楚見到壽司師傅既製作及表演過程😏😏
其實呢個係我覺得佢明顯勝過另外兩間既地方, 壽司之神舖面較窄, 有部份要坐方枱, 遠離壽司吧; 鮨文就分咗兩枱
😥成餐飯1個幾鐘, 可以細心係柔和輕細既音樂下欣賞師傅既手藝, 無論係佢落刀有幾深, 切幾多刀, 橫紋網紋; 扼壽司扼左幾多下, 落咗乜嘢配料, 都係單眼佬睇老婆, 一眼睇晒🧐🧐🧐
熱茶過後, 先上頭盤, 有清口既酸薑, 牛榜, 濃味既蕎頭, 源壽司自製既WASABI椎山 (呢個特別爽口, 印象深刻)🍠師傅堆砌過後慢慢解釋, 呢份就係高級料理既享受~ 頭盤海哲小菜同蒸蛋黎到; 小菜略酸; 而蒸蛋非常精彩, 作為今日少有既熱食, 佢既溫度可以燃起寒冬, 松露混咗高湯滲穿左水蛋; 滑溜質地加埋松露高湯飲落去唔會太濃, 呢個暖胃熱身做得唔錯
由於壽司🐟🦈🐡🐠眾多, 今次慳水慳力啲用點列:
1. 九州蘆魚壽司: 用海鹽帶起爽口蘆魚, 為戰事拉起序幕
2. 目仁奈刺身: 煙韌刺身加埋檸檬同柚皮微酸, 漸漸加速
3. 活赤貝刺身: 見師傅細刺開, 再用力撻落木板上, 令佢咬口變強, 賣相, 刀功既體現
4. 深海池魚刺身: 透明質地見證新鮮度, WASABI帶出清新, 黎個小休再上路
5. 油甘魚壽司: 由紅漸變粉紅既魚身, 本身已經係一件藝術品
6. 皮剝魚壽司: 未試過呢種魚, 加埋頂頭加多個燒好既魚肝, 新鮮感一流
7. 雙蟹手卷: 蟹籽蟹羔兩份厚重衝擊直達喉嚨, 進入大直路
8. 牡丹蝦壽司: 鮮嫩既蝦搭上蝦羔, 將蝦最高定義充份演示 (第三名)
9. 小肌魚: 銀色表面好得意; 未算特別, 小休環節
10. 燒金鯛魚: 香港叫馬友, 燒出黎真係有啲似咸魚馬友味, 熱食暖番下胃
11. 赤身 (瘦吞拿)壽司: 油脂同魚香混合, 見師傅上枱前, 以密密既刀功釋放魚脂香味 (第二名)
12. 天然吞拿魚腩: 微燒過既高脂肪比吞拿魚, 咬落去, 連牙罅都FEEL到有魚香 (第一名)
13. 馬糞海膽: 新鮮程度拍得住當日係金澤近江町街市鮮食既程度
14. 北海道三色壽司: 三重濃味堆砌一齊, 好霸道; 但小弟一般
15. 鰹魚: 一樣係輕燒過表面上枱; 作為收尾唔錯
16. 吞拿魚手卷: 唔好以為手卷會求其; 用上左好多吞拿魚蓉; 直頭咬落去標出油來
精彩戰事過後, 上埋個麵豉湯, 暖番下胃; 再加埋個小雪糕, 完結呢餐精彩午宴。今次呢個SET DOR 係要600港紙; 呢份享受抵唔抵, 問問自己喇☺️🙂🤗
大三元都試過後, 我排源係最高; 其實三間都係不相百仲; 壽司之神作為老大哥, 裝修舊, 舖面細係致命傷, 但刀功, 設計, 新鮮程度係唔輸; 鮨文就多花款啲, 唔似另外兩間咁走傳統, 會多啲花臣; 黎到源, 個環境係贏晒; 可以近距離睇師傅表演, 吧枱加埋射燈設計, 令到本來美好既食材可以更大發揮💖💖
張貼
