影片
更多
2023-11-20
773 瀏覽
想去白鷺湖打卡好耐，星期日終於叫老公帶咗我去。環境勁靚，好似去咗歐洲度假小鎮咁樣。果度主要有兩間靚餐廳，一中一西。當日西餐廳被包場搞婚禮，我哋就去食中菜，中餐廳環境都好靚，一啲都唔似傳統中菜廳。明太子釀蟹蓋 $168/位釀蟹蓋表面金黃香脆，裏面好多蟹肉，撈埋一啲洋蔥絲、明太子、薯蓉，味道香得來又食到蟹肉嘅鮮味。古法葡汁焗響螺 $138/位呢個響螺葡汁好惹味，裏面有好多響螺粒，口感柔軟得來又有啲爽口，加埋啲棉密嘅薯蓉，令人食到唔停口。薑蘇珊瑚星斑球 $238/位星班肉勁厚身，啖啖肉冇骨，魚肉白雪雪滑溜溜，掛上清甜嘅玻璃茨汁，近乎湯咁樣，有一啲香甜南瓜肉同埋滑蛋白，再配上一啲鮮味蟹肉，勁正。蟹肉桂花炒鴛鴦米粉 $238呢個米粉炒得好爽，一啲都唔油，勁香蛋味。佢個口感好豐富，除咗米粉爽，仲有芽菜嘅爽脆，加上灑滿脆脆炸瑤柱絲，食落去口感唔會單調。最重要係好多蟹肉，蟹肉唔係一絲絲乾曾曾果種，真係有蟹鮮味嘅，足料嘅啲蟹肉係一嚿嚿。生磨蛋白杏仁茶 $62好夠熱，杏仁茶香濃，加上一啲蛋白花，好滋潤養顏。另外值得一題，呢間餐廳服務超好，我個茶杯係keep住有茶，侍應總係會及時幫我斟茶🤭
明太子釀蟹蓋 $168/位
釀蟹蓋表面金黃香脆，裏面好多蟹肉，撈埋一啲洋蔥絲、明太子、薯蓉，味道香得來又食到蟹肉嘅鮮味。
古法葡汁焗響螺 $138/位
呢個響螺葡汁好惹味，裏面有好多響螺粒，口感柔軟得來又有啲爽口，加埋啲棉密嘅薯蓉，令人食到唔停口。
薑蘇珊瑚星斑球 $238/位
星班肉勁厚身，啖啖肉冇骨，魚肉白雪雪滑溜溜，掛上清甜嘅玻璃茨汁，近乎湯咁樣，有一啲香甜南瓜肉同埋滑蛋白，再配上一啲鮮味蟹肉，勁正。
蟹肉桂花炒鴛鴦米粉 $238
呢個米粉炒得好爽，一啲都唔油，勁香蛋味。佢個口感好豐富，除咗米粉爽，仲有芽菜嘅爽脆，加上灑滿脆脆炸瑤柱絲，食落去口感唔會單調。最重要係好多蟹肉，蟹肉唔係一絲絲乾曾曾果種，真係有蟹鮮味嘅，足料嘅啲蟹肉係一嚿嚿。
生磨蛋白杏仁茶 $62
好夠熱，杏仁茶香濃，加上一啲蛋白花，好滋潤養顏。
另外值得一題，呢間餐廳服務超好，我個茶杯係keep住有茶，侍應總係會及時幫我斟茶🤭
張貼
