源峰 (已結業)

平日去食晚餐，不算太多人，安排左窗口位，個景係不錯的。叫左一個什麼和牛發辦set($980)同晚市推介set ($980)之類既野再加多支清酒（好似$5-6xx咁上下，酒店黎講算幾抵飲)。野食叫正路，不過零驚喜，同街檔D 味道差不多，係個presentation叫靚仔D咁，基本上你食完係唔會記得佢有咩特別。最勁係果個推介set 入面有一個course 係燒牛既，但食果位唔食牛轉左豬，DLS, 塊塊豬都肥到豬西咁，唔知想點。服務員可能係新入職啦，開清酒果個又唔太識開，幫你斟酒斟到滿寫咁滯，有時未L 食完又收左你隻碟同筷子，兩個人食D 野食出既timing 一D 都唔夾，成日一個有野食一個無野食。不過，對"帝"字品牌一向無期望，所以佢都無令失望，保持住"一般"既質素，不過可能係我叫果D Set 比較cheap 啦，有D set 係再貴D 可能會好食D 既，不過選擇佢既原來係因為地點，同區無咩酒店既日本餐廳。最後，酒店sell 間餐廳係由兩位日籍主廚主理，建議請返香港廚師，以我當日食到既質素，應該是但搵個廚都整到，慳返D錢做下員工時Training 更好。