Sky726

有時去旺角唔知食乜午餐，都會去彌敦道726號附近搵餐廳食，因為除左有好野食，都可以欣賞下九龍嘅風景。今次揀左sky726餐廳，餐牌上有漢堡、意大利粉/飯和扒類俾你揀。我地點左兩個餐，一份手打和牛漢堡，叻一個點左燒雞胸羅醬意大利粉，加左$48轉成套餐，會有餐包，是日餐湯，迷你沙律和餐飲。餐湯係南瓜湯，味道濃郁，口感綿密，餐包非常軟熟。手打和牛漢堡份量都幾多，薯條香脆香口，餐廳會將蕃茄、洋蔥以伴菜形式上枱，漢堡個配搭可以更自主，漢堡裡面有大量芝士和肉眼牛肉，肉質嫰滑，口感不錯。食西餐當然要飲杯齋啡提一提神。