影片
更多
2025-02-18
138 瀏覽
今日約左個朋友行街慶祝生日，揀左鬧巿中既靜土，裝修好靚既cafe, 依度岩曬食野傾計聚一聚！我地叫左個二人餐，好夠食！是日餐湯係好濃郁既蕃茄湯，酸酸甜甜非常開胃。柚子蜜糖雞翼，單骨雞翼外層炸到香脆再加上柚子蜜糖，甜脆唔錯。蕃茄香草肉丸粗管通粉，依隻通粉超級掛汁。蕃茄醬味道好濃郁，加左大量香葉，食落有好有層次。另外值得一提係佢既肉丸，好彈牙，口感竟然係有啲似魚蛋，好味。香煎美國Prime頂級牛小排，叫左5成熟。上菜既時候真係勁靚既粉嫩色，保留左肉汁，吃落口非常嫩滑，配埋醬汁食就更加好味。另外配菜都煎到好香，必點！最後甜品叫左宇治抹茶牛角窩夫，牛角窩夫有酥皮既脆感，抺茶醬係比較濃既，中和左油膩感。加埋雪糕紅豆麻薯，真係做到完美收結。洋甘菊香柚綠茶，洋甘菊既味道好突出，回甘既甜味幾過癮。茶包加左兩次熱水都仲好有味，幾唔錯。花生醬鮮奶咖啡，一開始諗住試伏點知又幾好飲。可以飲到花生醬既甜味但又唔會蓋左咖啡味，仲可以吃到粒粒花生碎，唔錯。整體黎講環境好好，令人感到舒服。食物方面都幾高質，飲品夠特別，食物又味道唔錯又夠大份，會再黎的！
是日餐湯係好濃郁既蕃茄湯，酸酸甜甜非常開胃。
柚子蜜糖雞翼，單骨雞翼外層炸到香脆再加上柚子蜜糖，甜脆唔錯。
蕃茄香草肉丸粗管通粉，依隻通粉超級掛汁。蕃茄醬味道好濃郁，加左大量香葉，食落有好有層次。另外值得一提係佢既肉丸，好彈牙，口感竟然係有啲似魚蛋，好味。
香煎美國Prime頂級牛小排，叫左5成熟。上菜既時候真係勁靚既粉嫩色，保留左肉汁，吃落口非常嫩滑，配埋醬汁食就更加好味。另外配菜都煎到好香，必點！
最後甜品叫左宇治抹茶牛角窩夫，牛角窩夫有酥皮既脆感，抺茶醬係比較濃既，中和左油膩感。加埋雪糕紅豆麻薯，真係做到完美收結。
洋甘菊香柚綠茶，洋甘菊既味道好突出，回甘既甜味幾過癮。茶包加左兩次熱水都仲好有味，幾唔錯。
花生醬鮮奶咖啡，一開始諗住試伏點知又幾好飲。可以飲到花生醬既甜味但又唔會蓋左咖啡味，仲可以吃到粒粒花生碎，唔錯。
整體黎講環境好好，令人感到舒服。食物方面都幾高質，飲品夠特別，食物又味道唔錯又夠大份，會再黎的！
張貼
