影片
更多
2023-06-13
49 瀏覽
銅鑼灣世貿中心商場重開之後有幾間新餐廳都好想去試吓, 阿閒泰就係其中一間星期六晚7:30 Walk-in唔使等位, 餐廳門口旁邊有一張雙人枱一張四人枱, 原來係可以帶寵物一齊去食飯餐廳環境幾舒服，裝修都幾靚亦都好闊落，不過就完全冇泰國餐廳嘅感覺可能因為佢哋係一間新派泰國菜餐廳講完餐廳環境講吓服務, 當晚基本上serve過我哋嘅waiter/waitress係零笑容嘅😑每位個樣都好似心事重重😟搞到我都有啲唔好意思, 即使想要攞Menu唔太願意俾你食物方面亦比較一般, 當晚未夠8點竟然所有菜類都沽清, 其實本身選擇都唔多, 只有3款包括原個椰菜花配咖喱醬, 炒通菜同炒芽菜, waiter哥哥聲稱田因為當日客人較多所以好快賣完🙄🙄…….冇辦法啦, 最後只好點個脆炸豆腐代替蔬菜, 炸豆腐本身一啲味道都冇, 必須要點跟碟的魚露一齊食先有味道, 有啲失敗喎! 第二道係脆皮燒豬頸肉配檸檬番茄醬, OK正常味道, 食唔出係脆皮囉😅 第三道係泰式醉貓炒新鮮手造炒卷粉, 卷粉就係捲起左嘅河粉, 炒得幾香, 但肉碎實在好鹹, 最終食晒啲粉剩低晒啲肉碎😣飲品方面, 我order咗餐廳杯signature,
星期六晚7:30 Walk-in唔使等位, 餐廳門口旁邊有一張雙人枱一張四人枱, 原來係可以帶寵物一齊去食飯
餐廳環境幾舒服，裝修都幾靚亦都好闊落，不過就完全冇泰國餐廳嘅感覺可能因為佢哋係一間新派泰國菜餐廳
講完餐廳環境講吓服務, 當晚基本上serve過我哋嘅waiter/waitress係零笑容嘅😑每位個樣都好似心事重重😟搞到我都有啲唔好意思, 即使想要攞Menu唔太願意俾你
食物方面亦比較一般, 當晚未夠8點竟然所有菜類都沽清, 其實本身選擇都唔多, 只有3款包括原個椰菜花配咖喱醬, 炒通菜同炒芽菜, waiter哥哥聲稱田因為當日客人較多所以好快賣完🙄🙄…….冇辦法啦, 最後只好點個脆炸豆腐代替蔬菜, 炸豆腐本身一啲味道都冇, 必須要點跟碟的魚露一齊食先有味道, 有啲失敗喎! 第二道係脆皮燒豬頸肉配檸檬番茄醬, OK正常味道, 食唔出係脆皮囉😅 第三道係泰式醉貓炒新鮮手造炒卷粉, 卷粉就係捲起左嘅河粉, 炒得幾香, 但肉碎實在好鹹, 最終食晒啲粉剩低晒啲肉碎😣
飲品方面, 我order咗餐廳杯signature, 氮氣冷泡檸檬茶, 檸檬茶好甜, 或者係我唔識欣賞我都係比較鍾意泰式奶茶多啲, $58一杯亦偏貴
本來冇打算order甜品，不過見隔籬枱個芒果糯米飯幾吸引, 心郁郁之下就order左, 跟住就後悔左…..
呢個芒果糯米飯絕對係我食過最難食嘅一個😖
三片芒果, 冇錯! 係三片非常非常非常(緊要嘅嘢講3次)酸嘅芒果配黑糯米飯同椰汁, 芒果已經酸到想死, 椰汁竟然一啲甜味都冇, 真係唔知佢想點, OMG成件事得個賣相係得嘅, 點搞呀?!🥲🥲
餐廳門口掛有lunch set同afternoon tea個Menu, 或者第日有機會都可以再試吓
真心希望餐廳會喺服務同食物水準方面有改善
(以上純粹係個人感覺感想同口味分享)
3 瀏覽
0 讚好
0 留言
張貼
