影片
更多
2020-11-24
5463 瀏覽
生日生日, 去左petrus, 其實未入到餐廳, 已經比shangri la 的裝修驚豔到, 無他啦, 其實我覺得最classic/ standard/ basic 的水晶燈就可以了, 有種古典味就會靚的了, 懷舊D, 復古D, 好老土但帶點樸實的宮廷式裝修就好靚, 唔洗太金壁輝煌或融入現代化, 總之唔好搞咁多野就係我杯茶每日換的地毯呀~~~~仲未入到餐廳, 仲陶醉緊出面呢到好靚~心心眼因為得閒得滯, 又唔洗deposit的, 我咪早成個月book, 網上有好方便的system嫁喇所以餐廳安排左呢個窗邊位, 而且係自成一角個個角落, 好開心~個包同薯波仔送的, 值得一提牛油係室溫牛油, 而餐包又係熱的, 一拍即合的好味咁簡單的事好多餐廳唔會做嫁, 所以加分而個薯波入面係流心芝士醬, 又熱辣辣, 真係好感動-諗落, 維港望得多, 但未試過係係會展斜後面望, 勁多樓唔太靚哈哈-我地叫左4個course, 咁熱同凍頭盤得4款, 就叫哂佢地呢個beef tartare冇咩驚喜/驚嚇, 就係新鮮生牛肉, 上面有D紅菜頭咁, 其實紅菜頭冇咩味的麻, 伴下碟OK GE媽的蟹肉牛油果沙律好好味, 蟹肉
其實未入到餐廳, 已經比shangri la 的裝修驚豔到,
無他啦, 其實我覺得最classic/ standard/ basic 的水晶燈就可以了, 有種古典味就會靚的了, 懷舊D, 復古D, 好老土但帶點樸實的宮廷式裝修就好靚, 唔洗太金壁輝煌或融入現代化, 總之唔好搞咁多野就係我杯茶
每日換的地毯呀~~~~仲未入到餐廳, 仲陶醉緊出面
呢到好靚~心心眼
因為得閒得滯, 又唔洗deposit的, 我咪早成個月book, 網上有好方便的system嫁喇所以餐廳安排左呢個窗邊位, 而且係自成一角個個角落, 好開心~
個包同薯波仔送的, 值得一提牛油係室溫牛油, 而餐包又係熱的, 一拍即合的好味
咁簡單的事好多餐廳唔會做嫁, 所以加分
而個薯波入面係流心芝士醬, 又熱辣辣, 真係好感動
-
諗落, 維港望得多, 但未試過係係會展斜後面望, 勁多樓唔太靚哈哈
-
我地叫左4個course, 咁熱同凍頭盤得4款, 就叫哂佢地
呢個beef tartare冇咩驚喜/驚嚇, 就係新鮮生牛肉, 上面有D紅菜頭咁, 其實紅菜頭冇咩味的麻, 伴下碟OK GE
媽的蟹肉牛油果沙律好好味, 蟹肉勁豐富, 一絲絲絕不孤寒
我另一個熱頭盤係八爪魚多士, 冇咩的, 唔難食但唔驚喜
反而呢個雞湯超好味, 勁creamy又多料, 雖然只不過係雞, 煙肉片, 菇咁, 但好味同大眾化比起亂咁fusion的野, 黎得自然
-我的主菜係牛同鵝肝, 好好味的鵝肝
話說而家上士但一個凍肉鋪網, 百四蚊左右都會買到4舊裝匈牙利鵝肝, 只不過係解凍, 落salt and pepper, 再煎就有酒店水準, 老實講呢個年代食材已經好易搵, 廚藝亦絕大部份人都唔差, 所以餐廳的價值已不限於食材同味道咁簡單, 係裝修, 景觀, 服務要取勝呢到服務好好, 因為menu全英但網上有中文版, 而侍應都係正宗廣東話的年輕人, 亦會有法國口音的外籍侍應介紹每道菜色,
感覺係, 呢到唔會令人有距離感, 唔離地, 實實在在的禮貌同尊重, 親切
法國餐廳黎講, 呢D親切感絕對係半島間gaddi's冇的, 個到有種冰冷; 而四季間caprice又做多左, 不停每道菜問你一次好唔好食, 又不停抹枱, 仲要又真係每道菜都太前衛味道好唔岩食, 裝修又唔係我中意個種靚
所以, 個人認為 petrus真係唔錯
-
媽的主菜係龍蝦pasta, 個pasta係手做的, 一大塊冇切面條個龍蝦超好食, 成碟菜根本係一碗濃濃的龍蝦湯
-
甜品我地都叫左同一個朱古力tart, 冇咩特別嫁喇, 其實有時冇咩特別係最好的事黎
而下面呢個, 算係petit four掛, 我已經冇特登食喇, 好飽
值得一提的係, 我request左係甜品放生日牌, 佢比甜品時冇我就諗唔會唔記得的, 人地個朝仲打比我confirm, 而且佢地的水準絕對唔會遺留
咁好啦
竟然係成個半磅蛋糕咁比我
仲要精緻過menu個甜品, 係朱古力香蕉蛋糕, 面層的朱古力醬勁香滑, 呀呀呀呀好食, 但好飽, 只食到1/3
好了, 忐忑緊呢個蛋糕會唔會好貴時, 埋單發現係送嫁~~~~~~~~~~~~~~~~~~~~開心開心
-
走的時候搭lift前, 又影下相又去多次廁所咁, 但到真係等Lift時 serve開我地的侍應出番黎陪我地等lift, 同我講生日快樂, 又介紹下petrus格離個lounge咁, 呢D細節令人溫暖而唔造作, 令人印象深刻
可能好簡單的事, 9成餐廳唔會做, 做左都可能好行貨
一間令職員會用心做的酒店, 唔係例行公事的感覺, 唔排除係內部人事管理做得唔錯
-
唔知啦, 但整體黎講, customer experience好好
張貼
