南華軒

營業中

休息中

今晚打完波去咗會所南華軒食晚餐 貪佢就腳 打完波可以即刻搵個地方開餐兼休息一坐低就會有小食 可以食住花生先香酥素鵝 做得都幾出色 外皮尤其鬆脆 裏面包咗紅蘿蔔菇菌類等 最重要嘅係雖然係炸 但食落一d都唔會覺得油膩 全台都大讚大澳蝦醬腩肉 腩肉走過油輕輕炸香 脂肪瘦肉層層相隔肉質爽彈 鹹鹹地又好香嘅蝦醬味令本來炸香咗嘅腩肉更加香口 不論攞嚟送飯定當小食食 都容易食完一嚿又一嚿生炒牛肉飯 裏面除咗有牛肉碎之外 仲有菜粒 雞蛋 炒飯粒粒分明 鹹味適中 食完一碗又一碗我哋坐個位咁啱對住電視 仲可以同朋友一路傾計一路睇電視 好有喺屋企食飯嘅感覺 難怪我啲波友當咗呢度係飯堂