影片
更多
2023-03-15
1061 瀏覽
「Awesome Bar & Cafe」嘅餐廳一定啱喜歡Bearbrick 嘅 粉絲。 去到餐廳門口已經令人目定口呆，餐廳樓梯兩旁放滿Bearbrick figures，目測有幾百隻，超震撼。鍾意Bearbrick 嘅朋友，一定要來朝聖。入到餐廳，感覺時尚、空間感十足，服務員還安排咗一個弧型嘅卡位俾我哋，夠晒舒適。餐廳打卡位甚多，食客都周圍影相燒烤大啡菇湯餐湯放低，已經聞到陣陣嘅啡菇味，湯嘅味道濃郁，邊飲邊食到一粒粒嘅啡菇，口感一流，湯都好Creamy。燒春雞見到兩隻大雞髀，奇怪點解燒春雞有咁大隻雞髀，原來係起咗骨嘅雞胸和雞髀，最驚喜嘅係雞胸肉質都好幼嫩，原來雞肉先經過慢煮，然後再煎，先至做到呢個效果，抵讚。炭燒帶子配米形意粉最初以為叫錯咗意大利飯，後來先記得係米形嘅意粉。龍蝦汁掛在每粒意粉上面，味道濃郁，口感特別，帶子燒烤得恰到好處，外脆內嫩，還帶點炭燒味。紅酒燴凍啤梨紅酒把啤梨燴成啡紅色，味道清甜，帶點紅酒味。口感煙韌，但食落爽口，非筆墨所能形容，真係要親身自己食下。配埋雲呢拿雪糕一齊食，真係冇得輸。可以話食物同餐廳名一樣，夠晒Awesome。
「Awesome Bar & Cafe」嘅餐廳一定啱喜歡Bearbrick 嘅 粉絲。
去到餐廳門口已經令人目定口呆，餐廳樓梯兩旁放滿Bearbrick figures，目測有幾百隻，超震撼。鍾意Bearbrick 嘅朋友，一定要來朝聖。
入到餐廳，感覺時尚、空間感十足，服務員還安排咗一個弧型嘅卡位俾我哋，夠晒舒適。餐廳打卡位甚多，食客都周圍影相
燒烤大啡菇湯
餐湯放低，已經聞到陣陣嘅啡菇味，湯嘅味道濃郁，邊飲邊食到一粒粒嘅啡菇，口感一流，湯都好Creamy。
燒春雞
見到兩隻大雞髀，奇怪點解燒春雞有咁大隻雞髀，原來係起咗骨嘅雞胸和雞髀，最驚喜嘅係雞胸肉質都好幼嫩，原來雞肉先經過慢煮，然後再煎，先至做到呢個效果，抵讚。
炭燒帶子配米形意粉
最初以為叫錯咗意大利飯，後來先記得係米形嘅意粉。龍蝦汁掛在每粒意粉上面，味道濃郁，口感特別，帶子燒烤得恰到好處，外脆內嫩，還帶點炭燒味。
紅酒燴凍啤梨
紅酒把啤梨燴成啡紅色，味道清甜，帶點紅酒味。口感煙韌，但食落爽口，非筆墨所能形容，真係要親身自己食下。配埋雲呢拿雪糕一齊食，真係冇得輸。
可以話食物同餐廳名一樣，夠晒Awesome。
張貼
