玉桃軒酒家 (康怡廣場) (已結業)

今日同朋友喺太古食飯，見到有間裝修唔錯嘅酒家，喺康怡廣場入面，而且有優惠重點推介，只需158蚊可以食到北京城片皮鴨，所以就諗住入去試下。 喺晚市呢一個時間，店內人唔算好多，我哋兩個人坐咗張四人枱，除咗北京城片皮鴨。我哋仲叫咗鎮江醋排骨煲，同呂宋香芒凍布甸做甜品。 過咗十分鐘，侍應拎咗隻鴨出來，原隻未片皮嘅，係我哋面前片皮，仲拎咗其他配料擺喺我哋張枱，喺圖度可以見到，包片皮鴨嘅配料有好多啲皮都有好多塊，而且鴨嘅份量亦好多，鴨肉好juicy好彈牙，配上配料同啲醬，一流。 隻鴨食到一半，鎮江醋排骨煲亦都送上，個煲遠處送來已經好香，每一舊排骨都好大嚿。煲底有啲洋蔥。啲排骨好入味，好彈牙同多汁。 最後叫咗個甜品，香芒布甸，比一般茶樓唔同，呢個布甸係有兩條魚嘅形狀，十分有趣，而且香芒味都好濃。