篤篤船麵 (荃灣千色匯) (已結業)

今日係千色都買包薑茶同零食，拎住一袋二袋，搵個舒服啲嘅地方食個快飯先，見到有船麵呀，睇餐牌已經好吸引，啲牛肉好似好好味咁，個位又好似好舒服，就食呢個啦。好，坐低睇吓有咩好食先。慢煮牛柳濃湯船麵，首先真係要試一啖湯，個湯底好濃郁，牛肉就超吸引，一咬落去好容易撕開，夠軟腍，仲有彈牙牛丸，金邊粉索湯一流。泰式鹹蛋木瓜沙律，果種酸酸地，帶點辣，仲有鹹蛋嘅香，好開胃嘅感覺，木瓜絲好脆好爽口，加上大豆芽，成個感覺好清新。