影片
更多
2015-12-31
666 瀏覽
今日端午節公眾假期，交通勁暢通，話咁快就到左會展，大把時間食早餐。早餐無咩選擇，咪又係普通茶餐廳囉。個 menu 好豐富呀 ﹗會展飯盒同佢無得比啦，我要係度食 lunch 呀！如果可以比我離開個 booth 黎買外賣就好喇﹗見食評大讚乾炒牛河好掂，好想試試有幾好食呢﹗點知打電話外賣自取唔可以，要親身落舖頭比錢先落 order？我聞所未聞囉！跟住再打多次問，話下午三點後先供應，只可以堂食無得外賣。本想 lunch 試一試 openrice 食家大讚既乾牛河，點知不設外賣，只可堂食 ﹗咩野料呀！咁我堂食食唔晒打包攞走得唔得呢？今日飛的過黎仲有時間剩，慢慢嘆個早餐先，坐係度食舒服好多﹗原本就好舒服，點知對面枱個瘦削飛機頭因為杯野飲遲遲未黎係度兇個侍應，鬼殺咁嘈！個個食客都等咁耐啦，淨係您先燥咩！原來係隔我幾個 booth 既公司賣珍珠既。早起的曉奧有麵食，可以悠閒地嘆個早餐先開工呢！第一次坐到最遠窗邊，次次都帶人地去右邊密麻麻方枱，大排檔 feel 濃厚。依邊簡直 VIP 區啦，有街景睇又清靜又坐得舒服。難得今朝約左同事食早餐，雖然平時返工各有各忙無咩兩句，無所謂既，同枱食飯各自為政啦！太陽
個 menu 好豐富呀 ﹗會展飯盒同佢無得比啦，我要係度食 lunch 呀！如果可以比我離開個 booth 黎買外賣就好喇﹗見食評大讚乾炒牛河好掂，好想試試有幾好食呢﹗點知打電話外賣自取唔可以，要親身落舖頭比錢先落 order？我聞所未聞囉！
跟住再打多次問，話下午三點後先供應，只可以堂食無得外賣。本想 lunch 試一試 openrice 食家大讚既乾牛河，點知不設外賣，只可堂食 ﹗咩野料呀！咁我堂食食唔晒打包攞走得唔得呢？
今日飛的過黎仲有時間剩，慢慢嘆個早餐先，坐係度食舒服好多﹗原本就好舒服，點知對面枱個瘦削飛機頭因為杯野飲遲遲未黎係度兇個侍應，鬼殺咁嘈！個個食客都等咁耐啦，淨係您先燥咩！原來係隔我幾個 booth 既公司賣珍珠既。
早起的曉奧有麵食，可以悠閒地嘆個早餐先開工呢！第一次坐到最遠窗邊，次次都帶人地去右邊密麻麻方枱，大排檔 feel 濃厚。依邊簡直 VIP 區啦，有街景睇又清靜又坐得舒服。難得今朝約左同事食早餐，雖然平時返工各有各忙無咩兩句，無所謂既，同枱食飯各自為政啦！
太陽蛋腸仔沙嗲牛肉出前一丁，腸仔又係條怪味腸，不正常的雞肉腸。沙嗲牛肉依舊被一劈劈既芡汁漿住，用湯洗洗去還可以，質地腍但乾又唔香唔鮮，強差人意。凍既太陽蛋留到最後先處理，等熱湯給她一點溫暖，好好多啦！
沙嗲牛肉即食麵，沙嗲牛肉乾鞋，沙嗲汁結到一劈劈凍冰冰，麵質烚得過腍，湯底淡如水，最後我唯勁落不香不辣既辣椒油吊吊味，好過無。收 HKD33 蚊個麵餐，劣質即食麵餐又貴又唔值囉，睇下如果佢唔係獨市真係無食客揀囉！ 記得幾年前第一次食，我大讚佢既沙嗲牛肉即食麵好食到不得了，依家廿蚊都唔值呀！
太陽蛋回鍋肉午餐肉即食麵，但有段長時間無食過回鍋肉喇，執返劑懷緬下先。回鍋肉碎上？唔係咁好服務怕我咬唔到或哽親掛。太陽蛋凍既！搞錯呀，琴晚煎定架？離晒譜架！即食麵貫徹始終腍劈劈又溶溶地，湯唔熱亦淡如水！就算有回鍋肉汁都要勁落辣椒油先入到口，咁既質數可以出比食客，良心何在？同事居然係第一次食罐頭回鍋肉，佢一直諗住係上海炒回鍋肉囉。咁誇張？富家子弟係唔同啲。唯有攞次經驗啦，以後要記住喇。我另外識個女仔，今年 22 歲第一次去大家樂食野囉。
太陽蛋腸仔香辣雞肉出前一丁，見食沙嗲牛肉食到悶悶地，試試個雞肉啦，點知唔辣又乾硬又無味，雪藏雞肉仲要無醃過，劣﹗層幾何時碗麵真係超好味又熱辣辣架﹗依家求鬼其又粗製濫做﹗個麵一早煮定，有 order 加湯出貨，食落又粉又腍，最衰就係麵既原有味道流失晒。
湯又唔熱，只係微暖，一定要滾熱辣，剛剛燙口先最好味﹗又係怪味腸仔一條，唉 ﹗麵無麵味又腍劈劈，雞無雞味又淡荗荗，湯又唔熱，腸有怪味，真係好唔開心囉 ﹗要落兩羮辣椒油救救情緒同味道，是但倒晒落肚閃人。
沙嗲牛肉即食麵
88 瀏覽
0 讚好
0 留言
太陽蛋回鍋肉午餐肉即食麵
82 瀏覽
0 讚好
0 留言
沙嗲牛肉即食麵
52 瀏覽
0 讚好
0 留言
太陽蛋腸仔沙嗲牛肉出前一丁
45 瀏覽
0 讚好
0 留言
太陽蛋腸仔香辣雞肉出前一丁
42 瀏覽
0 讚好
0 留言
太陽蛋腸仔香辣雞肉出前一丁
36 瀏覽
0 讚好
0 留言
張貼
