一鍋堂 (XX Arcade) (已結業)

獨家還原水湯底 - 旺角一鍋堂首先恭喜旺角豉油街分店開張啦 ! 其實本身CK我係想去試新場果邊架，不過新店岩岩開勁多人，唔想朋友餓太耐，所以今次又番到豉油街分店醫左肚先 ! 一鍋堂主打簡約風格全卡位設計，午市時段設有60分鐘一人一鍋定量火鍋放題及100分鐘火鍋放題；晚市120分鐘晚市放題有超過18款養生湯底，逾100款配料及飲品選擇！120分鐘晚市放題同樣分為精選進口肉、特選安格斯牛及高級澳洲和牛3款套餐，人均最平$168起任食3至9款不同款式的肉類，包括澳洲M5和牛板肉、美國安格斯牛肉、封門柳等，更可以任食鯇魚片、花膠、白鱔片等海鮮！打邊爐嘅配料好多：有黑豚肉片、海鮮、蟹柳，鯪魚餅，菇類，粟米，冬菇，南瓜，蕃茄，牛丸，金菇，餐肉，魚蛋等等 ! 除咗火鍋配料，仲有熟食選擇，有麻辣鴨血、咖喱魚蛋麻辣木耳等等。而飲品選擇超多，除左超市買到既包裝及罐裝飲品外，仲有自家製飲品架 ! 提一提大家小小野 : 一 : 記得預早book枱，唔洗等就有得食喇！二 : 呢度每張枱都有個QR code，只要一嘟，就可以用電話落單，上菜速度好快，又無漏單，不過張枱就唔大，所以建議唔好一次過落太多，如果唔係真係