影片
更多
2021-09-13
818 瀏覽
2021年8月31日 星期二又到左暑假嘅最後一日，代表聽日終於要返工，又要投入辛勞嘅生活，所以呢日點都同老婆好好享受一下，去咗K11 musea行街，順便食lunch行到去5樓見到呢間餐廳應該係新開張，感覺好cyber但又好神秘，再睇真啲原來係附近嘅glasshouse另一間分店，專門食地中海菜，既然係新開就決定試吓等咗大約10分鐘左右就可以入去，位置唔算太多，不過就比附近嘅裝飾嚇親，因為有好大個360度LED牆，不停播放住地中海嘅景色，感覺真係好似去咗地中海食飯咁，完全忘記咗呢度係香港，感覺真係好特別再睇返餐牌，分別有5 courses tasing menu同express lunch menu，價錢應該行高檔路線，既然一場嚟到，我同老婆就決定要tasting menu，好好享受一下現場嘅環境同食物首先嚟到嘅係前菜，西班牙鯷魚蕃茄配水晶麵包，食落去麵包脆卜卜，而且仲食到鯷魚既鹹鮮同蕃茄帶出嘅酸味，味道幾平衡，食完覺得幾開胃，可惜份量唔算太多，如果大份啲會更加好之後我要左牛油果沙律，沙律菜好新鮮，配埋牛油果一齊食感覺好健康，而且醬汁唔算太濃味，夠晒清新至於老婆就要左黑松露蘑菇湯，嚟到
又到左暑假嘅最後一日，代表聽日終於要返工，又要投入辛勞嘅生活，所以呢日點都同老婆好好享受一下，去咗K11 musea行街，順便食lunch
行到去5樓見到呢間餐廳應該係新開張，感覺好cyber但又好神秘，再睇真啲原來係附近嘅glasshouse另一間分店，專門食地中海菜，既然係新開就決定試吓
等咗大約10分鐘左右就可以入去，位置唔算太多，不過就比附近嘅裝飾嚇親，因為有好大個360度LED牆，不停播放住地中海嘅景色，感覺真係好似去咗地中海食飯咁，完全忘記咗呢度係香港，感覺真係好特別
再睇返餐牌，分別有5 courses tasing menu同express lunch menu，價錢應該行高檔路線，既然一場嚟到，我同老婆就決定要tasting menu，好好享受一下現場嘅環境同食物
首先嚟到嘅係前菜，西班牙鯷魚蕃茄配水晶麵包，食落去麵包脆卜卜，而且仲食到鯷魚既鹹鮮同蕃茄帶出嘅酸味，味道幾平衡，食完覺得幾開胃，可惜份量唔算太多，如果大份啲會更加好
之後我要左牛油果沙律，沙律菜好新鮮，配埋牛油果一齊食感覺好健康，而且醬汁唔算太濃味，夠晒清新
至於老婆就要左黑松露蘑菇湯，嚟到嘅時候已經有好重黑松露味，老婆話個湯好滑溜，忌廉同黑松露平衡得好好，而且每一啖仲食到蘑菇蓉添，再加埋有一條蒜蓉包可以點湯一齊食
跟住有小食香蒜魷魚，魷魚整得好彈牙，一啲都唔覺得韌，而且幾入味，每一啖都食到蒜香
再嚟就係主菜，呢個係地中海雜錦海鮮焗飯，感覺上同西班牙炒飯差唔多，不過經過烤焗嘅關係，每一粒飯都比較乾身，一粒粒好分明，而海鮮都幾有咬口同彈牙
老婆就要左脆炸魚柳配薯條，薯條好厚身，熱辣辣好脆，而魚柳老婆話啖啖肉，肉質夠晒嫩滑，加埋檸檬汁一齊食感覺會無咁油膩添
最後仲有甜品檸檬雪葩，整到同原個檸檬完全無分別，像真度極高，一拮落去就食到酸酸地既雪葩，好夠冰凍，作為甜品岩岩好，唔會太飽肚
張貼
