影片
更多
2022-10-01
21 瀏覽
咁岩係屯門探朋友，當然要去虹橋朝聖，途中經過其中一舊港式商場，周圍都係傳統街坊小店，但其中望到一間日式魔鬼格局叫頂立的小店，門口寫住烏冬珈琲店，心諗烏冬crossover珈琲究竟係咩概念，真係無諗過，係好奇心推動下就不如入去試下。經店心耐心講解同睇左Menu後，原來頂立係佢地創作團隊Damn Lab的中文名稱，另外仲有頂立仲有「頂於天、立於地、創於海」創作理念。簡單黎講就係頂立團長發現鰹魚湯的鮮味，會改變味蕾同嗅覺。而本身店長係咖啡師，於是諗到將鰹魚湯同咖啡結合，攪另類的Food & Coffee Tasting！本身我都係品酒師，對Food and Beverage Pairings都有了解，所以對鰹魚湯同咖啡唔會抗拒，反而仲有期待的感覺。由於鰹魚湯底係靈魂，頂立團隊用左最多時間研究，最後煮理人用天然風乾的鰹魚乾同埋日曬昆布根，加上獨門配方而調配成為頂立獨有鏗魚湯底的味道。之後將湯底配合番佢地「天地海」主題而調配成「天王」藥膳雞白湯、「地魔」醬油豚介同埋「海神」清酒鮮蝦湯。而今次就試左「地魔」同埋「海神」，本身我對醬油湯底的感覺麻麻，因為醬油本身個味道比較霸道，所以好多時處理唔好的話
經店心耐心講解同睇左Menu後，原來頂立係佢地創作團隊Damn Lab的中文名稱，另外仲有頂立仲有「頂於天、立於地、創於海」創作理念。簡單黎講就係頂立團長發現鰹魚湯的鮮味，會改變味蕾同嗅覺。而本身店長係咖啡師，於是諗到將鰹魚湯同咖啡結合，攪另類的Food & Coffee Tasting！本身我都係品酒師，對Food and Beverage Pairings都有了解，所以對鰹魚湯同咖啡唔會抗拒，反而仲有期待的感覺。
由於鰹魚湯底係靈魂，頂立團隊用左最多時間研究，最後煮理人用天然風乾的鰹魚乾同埋日曬昆布根，加上獨門配方而調配成為頂立獨有鏗魚湯底的味道。之後將湯底配合番佢地「天地海」主題而調配成「天王」藥膳雞白湯、「地魔」醬油豚介同埋「海神」清酒鮮蝦湯。而今次就試左「地魔」同埋「海神」，本身我對醬油湯底的感覺麻麻，因為醬油本身個味道比較霸道，所以好多時處理唔好的話，就會無左原材料的鮮味而只剩下鹹的味道。但呢度望住湯底的顏色較為淺色，就即刻放心晒。果然，飲落去個感覺好舒服，唔似平時食豬骨拉麵湯底那種濃而杰身的味道，但味道都相當複雜。除左醬油的香味後，仲有清清的豬骨加鰹魚湯的味道。
至於「海神」中的蝦湯或者用左清油同埋鰹魚湯底，飲落去完全唔似平時蝦湯那種蝦味濃郁的感覺，反而係清中帶濃，首先你會飲到鰹魚湯的味道，之後就慢慢透出蝦的鮮味。有時飲西式龍蝦湯，你飲到最後會有「膩」的感覺，但呢個湯底反而會令你一飲再飲「唔夠喉」的感覺。
配料方面除左有慢煮叉燒、木耳絲、竹輪片同筍，最大特式係有一大塊腐皮。完全浸透湯底的腐皮將湯底的味道額外帶出甜味，將湯底的味道層次帶出唔同的風格。
至於另一主角咖啡用左Cold Brew的造法，咖啡豆的產區會不時轉變，今次試的品種係 Ethiopia Sidamo，其中20%用傳統水洗方法，另外80%使用蜜處理 (Honey Process)，蜜處理法是一種介乎日曬法和水洗法中間的處理方式。它讓咖啡保留了水洗後的潔淨，同時增加了咖啡的甜度與焦糖味，所以呢度的Cold Brew會帶出花香、蜜糖，甚至係拖肥朱古力的味道。由於係咖啡與鰹魚湯底的結合，所以頂立對於客人呢方面的體驗都有要求，首先品嚐咖啡不同的原有風味。之後飲一啖湯底，再細味一口咖啡，感覺當中的變化。
張貼
