Burger's Friend Forever (希慎廣場)

營業中

休息中

小朋友放學成日都嗌肚餓，今日坐地鐵之前見到希慎原來地下開咗food court，落去睇吓見到有間burger，小朋友即刻喺度嗌肚餓，不過我見到成個環境坐得好舒服，而且好乾淨，我都決定一齊食。叫咗兩份Burger，我比花生醬burger吸引到，出邊好少食到，口厚厚嘅漢堡扒加上濃濃嘅花生醬，原來咁香咁夾咁好味，食漢堡包冇理由唔食薯條同飲可樂，鍾意粗薯條即整即炸，正！另外小朋友揀咗食炸雞burger，估唔到超大哥，塊雞勁厚身，直頭係over size 😂 雖然咁大塊但係入面嘅雞都唔會好鞋，相反仲食得出好juicy添，小朋友嘅口味果然同我唔一樣，佢就鍾意食薯格，不過呢間嘅薯格有幾好味，大大塊脆卜卜有口感，小朋友唔飲得汽水所以揀咗飲湯，但估唔到蘑菇湯味道好濃郁，估唔到俾我哋誤打誤撞係銅鑼灣搵到間好味嘅burger。