餃掂手工餃子雲吞專門店 (已結業)

至尊松茸豬肉灼餃 配狀元九鼎湯作為本店招牌，用料充足冇得彈，食落口有飽滿松茸，如果係湯餃，就一定要加埋九鼎湯一齊入口，食到其中鮮味～香煎軟心芝士餃子鍾意食芝士嘅人就一定唔可以錯過！外層煎皮，一咬落去有驚喜，香濃流心芝士～記得咬之前吹一吹，食個陣冇留意爭啲辣口，入口芝士jeng！龍鳳蛋配黑白松露醬一款幾好嘅開胃菜，一落單好快就黎，松露醬嘅配搭唔會覺得奇怪！蜂蜜檸檬薏米水煎皮餃子有少少熱氣，加一支飲品中和下，鍾意薏米既可以一試！