茶救星球蔬果茶

營業中

休息中

手搖飲品店越開越多，無咩特色或者突圍而出既特點真係好難吸引人。但最近我就被【茶救星球】吸引左。茶救星球黎自大陸，裝修超吸睛既藍綠配色，有別於一般茶飲店，佢最出名就係首創苦瓜檸檬茶，仲有幾款意想不到既茶飲。例如斑斕薄荷檸檬茶、芫茜檸檬茶。但係我自己有D怕伏，所以除左苦瓜，另一杯叫普通野。 苦瓜檸檬茶：唔會太苦，就算我平時唔食苦瓜都覺得ok，之後會有少少微微甘苦。檸檬味會比較重，都幾清爽。 葡萄mojito：葡萄糖漿加梳打水、青檸同薄荷，葡萄味唔算重，不過好適合夏天。