影片
更多
2023-09-19
107 瀏覽
第一次食私房菜話說老婆約左同事食飯，想吹下水，又唔想比人催埋單走人，咪睇下食評，最後搵左榮哥。榮哥置身响工業大廈入面，完全唔覺眼，大廈又唔覺有廣告介紹，行過都未必有人知。我諗應該要靠熟客或有人介紹先知。本身訂左七點半，早左廿分鐘上去，都可以比位我地坐住先。我就無仔細周圍行，眼望有六七張枱，都獨立搵d屏風間開，做番個獨立空間出黎尚算可以。叫左壺龍井，等齊人就叫上菜。酸齋：首先餐前有個小食，正路野，唔過份酸，味道正常，好在色水唔會過份鮮色，最怕好似食d色素入口咁。本地水耕沙律菜配芝麻醬：用一塊切到好簿既青瓜包住d沙律菜，一食就知新鮮野，爽口，食到索索聲，配埋個芝麻醬，開胃。雙色墨魚仔：一個辣，一個唔辣，無乜特別。最怕個d日式八爪魚有pat,醬响面。茶薰流心蛋伴黑魚子醬配厚切茄子：有薰味，幾香下，流心蛋略嫌唔夠流，不過味道都好好，只係再流d,就仲好。個厚切茄子配個醬幾好食，我食落有浸好香莞茜味。慢煮海黃花配普寧豆醬配墨魚子：擺盤幾靚仔，一攞上黎我以為刺身。慢煮海黃花，食落去口感有d似食刺身既醋青魚，有d,人對呢種口感唔鍾意。有好香既豆醬味，唔會太咸。蝦球水芺蓉：蝦球大粒，上面有小小瑤柱絲，又
話說老婆約左同事食飯，想吹下水，又唔想比人催埋單走人，咪睇下食評，最後搵左榮哥。
榮哥置身响工業大廈入面，完全唔覺眼，大廈又唔覺有廣告介紹，行過都未必有人知。我諗應該要靠熟客或有人介紹先知。本身訂左七點半，早左廿分鐘上去，都可以比位我地坐住先。我就無仔細周圍行，眼望有六七張枱，都獨立搵d屏風間開，做番個獨立空間出黎尚算可以。叫左壺龍井，等齊人就叫上菜。
酸齋：首先餐前有個小食，正路野，唔過份酸，味道正常，好在色水唔會過份鮮色，最怕好似食d色素入口咁。
本地水耕沙律菜配芝麻醬：用一塊切到好簿既青瓜包住d沙律菜，一食就知新鮮野，爽口，食到索索聲，配埋個芝麻醬，開胃。
雙色墨魚仔：一個辣，一個唔辣，無乜特別。最怕個d日式八爪魚有pat,醬响面。
茶薰流心蛋伴黑魚子醬配厚切茄子：有薰味，幾香下，流心蛋略嫌唔夠流，不過味道都好好，只係再流d,就仲好。個厚切茄子配個醬幾好食，我食落有浸好香莞茜味。
慢煮海黃花配普寧豆醬配墨魚子：擺盤幾靚仔，一攞上黎我以為刺身。慢煮海黃花，食落去口感有d似食刺身既醋青魚，有d,人對呢種口感唔鍾意。有好香既豆醬味，唔會太咸。
蝦球水芺蓉：蝦球大粒，上面有小小瑤柱絲，又夠爽。水芺蓉係指蒸蛋白配甘荀汁。白滑，食落夠清新。
燉湯：川貝陳皮海底椰燉鱷魚，足料，個湯色水幾清，鱷魚肉食落有d似肥豬肉，飲落有小小藥材味。另一個哈密瓜螺頭黑豚肉，都係好足料下，清甜，不過黑豚肉真心似瘦肉食落，好似有d浪費。
茶王薰雞：一放落枱就聞到好香既，隻雞食落有浸薰味，雞又夠滑，唔會太肥，雞皮脆口，果然係招牌菜。
24個月西班牙黑毛豬火腿配福建莆田米粉：d,米粉好幼，幼得過份，新鮮炒起，同行友人形容好似食空氣咁，好綿，本身已經話飽既佢都話好食，啪左兩碗。估佢唔到。
魚湯時令蔬菜：魚湯好味零味精，配埋新鮮莧菜，好食。
蜜椒比利是杜洛克stlouis豬肋骨：真心唔知咩比利是杜洛克，簡單d講黑椒味既金沙骨，唔會太un，夠晒黑椒味，帶小小肥肉，好食。
最後有個甜味咖啡熊仔配啫喱涼粉，做型可愛得意，我好殘忍咁咬左個熊頭先，再慢慢碎屍，唔會太甜或太過份既咖啡味。
張貼
